Pyar ya Sabak ? Part 1(Daivika)

Namastey Dosto’n…
Mai Daivika….Surat se

Apni zindagi ke kuchh ajeeb kisse sunati hoon..jise soch ke…samjhne ki koshisho’n mein Mai khud uljhi rahti hoon.

Bat hai aaj se 7 years pahle ki…jab Mai 11th STD. Mein thi
Ek ladka tha, mera senior
10th Tak hum dono same hi school mein the..9th mein maine use pahli bar school ke bahar lage poster mein…tasveer mein dekha tha..jisme 10th board ke toppers ki photos thi.

11th mein aane ke bad I got a chance to see him personally, and On the very first sight…I just lost my heart to him.

Rat ka andhera, usse batein..duniya ko dekhne ka uska nazariya…uske vision…uska awarapan…sab mujhe aise chhoo rahe the…jaise pahli bar maine khuli hawa mein saans li ho…pahli bar maine kisi ladke se bat ki thi…aur pahli hi bar mein Dil de baithi.

Har roz Mai ab uska wait kare lagi thi…ki kab woh chhat pe aaye, toh kab hum batein karein…2 din mein pata chala…ki he likes someone.. mujhe bura laga yeh Jaan ke..lekin maine Zahir nahi hone Diya..sabko haq hai apne hisse ka pyar kise dena hai..woh decide karne ka…maine apna decision le liya tha…I liked him…A lot. Aur shayad mere behaviour se woh bhi samajh Gaya tha…ki mere Mann mein uske liye kya hai…humne kayi sari batein kee thi..bas 3 dino mein.
Uske bad Mai apne Ghar aa gayi…mere pass phone nahi tha tab…usse koi contact nahi tha…paas ki hi society mein rahne ke bad bhi..mai use dekhne, usse bat karne ke liye taras si gayi thi…pahla pyar jo tha..uska meetha dard jee rahi thi.

Kaafi time ke bad pata chala…ki usne shift kar liya hai..hmare Ghar se kaafi door.

Ab itne saalo bad bhi mai us rat…us chhat…aur uski batein…aur woh ehsaas nahi bhul payi…aaj bhi mujhe sab waise hi yaad tha…jaise 7 saal pahle.
Kahani mein twist tab aaya…jab itne saalo ke bad last year usse contact hua… through a social media platform.

Do you have a story? Click here to submit it / Connect with the admin