Hi friends.Mera naam Shubham Hai aur aaj main apko meri story sunane ja raha hu.Pehle main apko apne baare main bata du.main bachpan se hi jyada logo main ghulta milta nahi tha.Gaav ke ladko ke sath bhi jyada baat nahi karta hu kyun ki mere shant swabhav ke vajaise wo mujhe chidhate the to maine unke bich jana chod diya.School mein bhi main jyada active nahi tha.Kul milakar mera swabhav shant tha.ladkiyon se jyada baat bhi nahi karta tha aur abhi bhi main ladkiyon se baat nahi kar pata hu.Ab meri love story batata hu.
Jab main 8 vi main gaya to humhare class mein ek cute si,height mein mujhse thodi choti ladki new admission leke aayi.Uska naam SG tha.Wo bolte waqt bahut hi sweet aur shuddh bolti thi.Hum gaav ke hone ke wajaise itni shuddh wani sunnane ki aadat nahi thi(Shayad shehar mein bhi itna accha koi na bolta ho).
UJab wo nayi nayi.humare class mein aayi thi to uski aawaj sunnke sabhi ladko ko bahut hasi aati thi aur un ladko mein main bhi tha.Lekin baad mein main usko pasand karne laga aur class mein usko chupkese dekhta rehta tha.Uska gaav humhare gaav se north ki taraf tha.pehle to ye mujhe pata nahi tha.bas itna pata tha ki wo north ki taraf jaati hai.main tab cycle pe school jaata tha wo bhi cycle pe hi aati thi.School se lautate waqt main thoda aage jake cycle slow kar deta tha to wo mujhe pass kar ke aage jaati.aur wo jab tak mujhe dikhai deti thi main usko dekhta hi rehta tha.Ghar jaake aisa lagta tha ki kab dusra din aayega aur main usko school mein dekhunga.Ye routine har roj chalta rehta tha.Phir 10 vi ki final exam ka final paper aaya.mujhe pata tha ki main ab usko nahi dekh paunga.Isiliye main bahut sad tha.Humhare gaav se 5 km ki duri par ek bada mandir hai.Us mandir mein jane ka rasta uske ghar ke samne se hi jaata tha.Main ab har monday ko mandir jaane laga(tab se lekar mujhe mandir jaane ki aadat pad gayi) is asha par ki wo mujhe dikh jaaye.Mujhe aisa lagta tha ki kabhi na kabhi to wo mujhe mandir mein bhi dikh jaayegi lekin aaj tak wo kabhi mandir mein nahi dikhi.Maine diploma ko admission le liya aur usne 11 vi ko.Jab maine 1st year diploma complete kiya tab usne 12 th complete kar liya.Mere school ka dost jo usi ki class mein tha maine us dost ka 12 th ka exam seat number le liya taki uske aspas ke number search karne ke baad mujhe SG ka seat number mil jaye aur main uske percentage dekh saku.
Bahut search karne ke baad mujhe uska exam seat number aur percentage pata chale.Ab mujhe aisa laga ki wo humhare college main hi diploma ko admission legi.maine yaha tak bhi soch liya tha ki main usko apne books de dunga.Us waqt facebook thoda famous hone lag gaya tha india main.maine usme jabse account khola tha tabse har baar check karta tha ki wo FB be aayi hai ya nahi lekin har baar mujhe nirasha hoti thi.Lekin akhirkar wo FB pe aa gayi to maine turant use friend request send kar di aur usne wo accept bhi kar li.Maine use thanx ka msg bheja aur 12th main pass hone ke liye use congrats bhi kiya.Maine use pucha ki usne kaha admission liya hai to mujhe pata chala ki usne kahi aur admission liya hai.To maine use msg bheja ki agar tumhe koi help chahiye ho to main madat kar dunga.Phir jab bhi wo fb pe online dikhti thi to main use hi hello ka msg bhejta wo bhi reply deti thi.Wo khudse koi message nahi bhejti thi par mere messages ka reply de deti thi.Ek baar maine uski favorites ke baare mein pucha aur usse jhuth kaha ki main apne friends ka survey kar raha hu.Baad mujhe aisa laga ki mujhe jhuth nahi bolna chahiye tha aur meei baat sachchi banane ke liye maine friends ko bhi favorites ke baare mein pucha.Kisi ka bhi reply nahi aaya lekin uska reply aa gaya.Maine non veg khana chod diya tha keval eggs khata tha lekin jab mujhe pata chala ki use eggs bilkul bhi pasand nahi hai tabse maine eggs khana chod diya tha.Uski pasand ko main apni pasand banane laga.Mujhko lagta tha ki.main use bata du ki main usse pyar karta hu lekin main acchi dost khona nahi chahta tha isiliye kuch nahi kehta tha.Mujhe baad mein pata bhi chala ki use love,boyfriend jaisi chize pasand nahi hai.Ek din aisa aya ki jisse lagbag sab khatam ho gaya. uski ek photo mere mobile mein thi jo main usi ko bhejne wala tha aur puchne wala tha ki guess karo ye photo kaha ki hai. Wo 7 July 2012 ka din tha.Main tab apne naye bunglow ka photo Instagram pe dalne wala tha lekin galti se uska photo upload ho gaya.maine jaldi wo photo delete ki aur bahar dost ko milne chala gaya.jab maine wapas aake dekha to uski photo jo upload ho gayi thi wo delete nahi hui hai.aur uska mujhe message bhi aya tha ki tumne kisse puch ke photo upload ki aur usne mujhe kaha ki main phirse kabhi use message na karu.main bahut dar gya tha to maine use reply kar diya ki kisine mera account hack kiya hai.Maine apna facebook account band kar diya.Aur use ye bhi keh diya ki main ab kabhi use messge nahi karunga.Mujhe uski FB ki friendship ki aadat pad gayi thi.
To maine ek fake account se usse friendship ki.Lekin baad mein use shak hone laga to maine use unfriend kar diya.1 saal tak apna facebook account band rakhne ke baad maine apna naya facebook acccount chalu kiya. aur ye tay kiya ki main kisi bhi ladki ko friend request nahi send karunga.Maine bahut sochne ke baad SG ko phirse friend request send kar di usne wo accept bhi kar li.Main bahut hi khush tha lekin ye khushi jyada din nahi tiki.Ek fin dopahar ko maine use ga ka msg bheja aur so gaya.Jab main nind se utha aur mobile check kiya to uska reply aya tha lekin usne mujhe block kar diya tha.Mujhe kuch pata nahi chala ki usne mujhe block kyu kiya.Main bahut Pareshan ho gaya.Main bas yahi soch raha tha ki usne mujhe block kyu kiya.Maine sabhi ladkiya jo mere friend list mein thi unko unfriend kar diya.Maine reason janne ki bahut koshish ki,usko facebook group pe indirectly pucha lekin mujhe answer hi nahi mila.Main use love karta hu ye baat maine kisi ko bhi nahi batai thi.Mera ek friend tha jo ki uska bhi friend tha karan(name changed) uska facebook ka account mere mobile mein chalu hi reh gaya tha.Maine us account se bhi yeh janne ki koshish ki usne mujhe unfriend kyu kiya hai lekin kuch fayda nahi hua lekin mujhe bas yeh pata chala ki woh mujhse bahut hi upset hai.Maine use sach bataya ki main hi karan ke account se usse baat kar raha hu.Karan mera accha dost tha(waise mere jyada friends nahi hai).Maine use apni puri love story bata di yeh sochkar ki mera man halka ho jayega.Karan kabhi kabhi uske sath phone pe baat karta tha aur maine socha ki shayad mujhe uski awaj sunane ko miley.Maine us ladki ko 2 baar friend request bhej di lekin usne accept nahi ki.Usne karan ko message karke bataya ki main use pareshan na karu.To karan ne mujhe msg karke bataya ki uska use usse dur rehne ko kaha.Mujhe pehle aisa lagta tha ki karan mujhse jhuth bol raha hai aur use koi msg nahi aya tha.Thode dino baad mujhe aisa laga ki shayad SG meri request accept kare to maine use request send ki.Par usne accept nahi ki.
Waise main use abhi bhi ek fake account se join hu.Ye account (ye humhare hi class ki ladki ke naam se account hai jo jyada kisike contact mein nahi hai.Wo shayad facebook bhi nahi use karti kyun ki maine uska account search kiya ye soch kar ki use main bata du ki maine tumhare naam se fake account khola hai.).pehle ek baar maine sg se uske College ke bare mein pucha tha is fake account se lekin baad main maine ye socha ki main is fake account se SG ke sath chat nahi karunga.Sirf usko diwali,birthday etc tyoharo mein wish karta hu.Har birthday ko sabse pehle main hi usko raat ko thik 12 baje Birthday wish ka facebook pe message hu.2 baar original account se kiya tha jab main uska friend tha aur do 2 baar fake account se.
Lagbagh 6 saal ho gaye mujhe uski awaj sune hue aur 4 saal se usko dekha bhi nahi bas uski facebook pe photo dekh leta hu.Main har roz bas usi ke baare mein sochta rehta hu.Aisa lagta hai kash wo photo galti se upload na hua hota to hum acche friend hote.Jab uska photo galti se upload hua tha tab main apne aap ko saja dene ke liye har week main 1 din kuch bhi nahi khata tha.Aisa lagbagh 10 mahine chalta raha.Jab uske baare mein sochta hu to mujhe pata nahi kya ho jaata hai.kuch alag hi feeling aati ha
Do you have a story? Click here to submit it / Connect with the admin
beta aap 1 st ho
matlab??main kuch samjha nahi
#shubham pyar hona khud k bs me nh apko hua pr us ldki ko apse nh hua acha hoga ek bar ap use sb kuch sach bta de quki jhut se riste sif tut sakte h aur ek sach shyad apko usse mila de ek bar koshish krke use apne dil ki bat btw agr uske bad bi wo accept nh krti toh use kbi bi kisi bi typ se touch me mt rehna jitna use touch me rahoge takleef utni hi hogi.
god bless uh 🙂
dekho bhai tumne love kiya tum jante ho pr vo ho skta h nhi jaanti ho ya may be vo smjh gyi ho ki u lov her..lekin insaan 1 month m pura badal jata h apke relation ko toh 6 year ho gye..ab uske piche bhagne se apko koi fayeda nhi hoga jahan tk ki muze lagta h..if u tried to tell her abt ur feeling once a time when u got d chnc so result could be different today..
YR MUJHE LGTA HAI APKO EK BR APNE PYAAR KE BTANA CHAIYE. HA KAHTI YA NAHI. AUR BTAO USE SARI BT BTAO
Shubham aapko apni feelings ko sg ko batana chahiye and i hope ki jo feelings aapke dil me unke liye hai unke dil me bhi wahi feelings ho aapke liye and aap dono milmih
And aap hamesha ke liye ek ho jaao god bless you
Aapki story sun k bhoot hrt feel huaa .aaj k time me koi itna true love nhi krta .bs boys grls ko use nd throw .bs itna hi .i like ur story n mai god se pry krugi k wo aapko samajh jaye jldi.bst of lk.
BHAI BEST OF LUCK
JA HIMMAT KR BOL DE
KIUKI TUJHE FIR YE NA RAHE SAYAD SHE LOVES YOU
BHAI OR SUN DIL MT TODNA USKA
AGAR NA BOLE TO BHAI USE HURT KIYE BINA SORRY BOL K MUSKURA KR WOPISH HO LENA
OHKK BRO
really sad heart touching story….. mere friend ne bhi mujhe fb se block kar diya tha tabse aajtk Maine fb use nhi ki starting me sis and bro ke account se usko friend request send ki thi but bad me usne unfriend kr diya…tbse Maine fb use hi nhi ki or sayd kru bhi na or aap apne fake account ke bare me use bta dijiye..use khi or se pta chala to wo aapse life time bat nhi kregi I hope aapko aapki friend mil jaye god bless u..
.
Nice year khup chat story ahe pan
hmmmmm.. veri critical situation hai yr…. aap aisa kyu nahi karte ki usse direct milne ki koshish karo n kam se kam apni taraf se safai to do..k actual mein hua kya tha… ya fir aap apne frnd Karan ko apni prob. batao agar wo SG ko bata sake…
I never expect that she should also love me.But I just wanted to be her good friend.
Life jane kyu aisa krti h yr jise jitna chaho wo utni hi nafrat krni ki sochti h hm to god se reqst krte h ki hme phirse kvi pyar na ho and best of luck shubham i think apko apni nyi life start krni chahye
hota hai shubham bhi zindgi mein aise daur b aate hain jab hum karna kuch aur chahein or ho kuch hor jaye.. maine suna hai aisa..k sachi mohabbt mein wo kashish zarur hoti hai k samne wala na chahte huye b khincha chala aaye aapki or… khair waqt ka thora intezar aur kijiye… shayad wo kabhi aapko aisa mouka zarur de jisse aap apni is situation ko sambhaal paye… so, gud luck to u
Karan ko sab malum hai.Main darasal use bahut pareshan karta hu SG ka naam le leke.Mujhe hamesha aisa lagta hai ki main hamesha SG ke bare mein baat karu.Jab bhi mujhe aisa lagta hai main Karan ko message karta hu.Mujhe abhi tak ye reason pata nahi chala hai ki akhir SG ne mera account block kyu kiya tha.Mwin use sach nahi bata sakta ki main usse pyar karta hu.Main darta hu ki agar main usko sach bataunga to wo apne ghar na bata de.Main use actual mein hurt nahi karna chahta lekin shayad maine use bahut hurt kiya hai.Jab bhi main kisi ladke ladki ko sath mein dekhta hu to sochta hu ki yaar maine to bas friendship hi mangi thi mujhe to wo bhi nahi mili.
Hello shubham bhaiya…bhai main jyada kuch aapke liya nhi kar sakta par itna jarur kar sakta hoon ki bhaiya bhagwan aapko usse jarur mila de…main aapki bohut achi tarah samaj sakta hoon kyon ki meri story kuch ishi tarah hai…bhaiya aap fb par hoto please mujhe jarur batao…my fb accound link => nhttps://www.facebook.com/PrabhjotSinghz
Aisa b hota hai Shubam g… zindgi mein kuch chijein maangne se b nahi milti…. lakin ek baat pakki hai k agar aap sache ho.. to bhagwaan aapko ek mauka to zarur dega….. apki bat rakhne ka Sg k saamne
3 friend hotal main lunch kerny gy aur bill 75rupees bana 3 dosto nay 25 25 25 rupess dydiy then hotal manager ny 70 rupess rhak ker 5 rupess waiter ko wapis dy diy
so waiter nay 1 1 1 rupea 3 friends ko a ker dy dia aur 2 rupes app rhak liye mutlab 3 friends nay 24+24+24rupees bill dia so 24+24+24=72+2 rupess waiter ky total=74 bany aik rupia kidher gya
SAWAIO KE JAWAB DO….. 1) MATAR,TAMATAR TISRI SBZI KA NAAM JISME “TAR” HO 2) KABUTAR,TEETAR TISRA PANCHI JISKE NAAM KE LAST ME “TAR” HO..
Dost suna h sachha pyar jarur milta h shayad ye story padhkr bo man jaye m prey karuga god se ki apko apka pyar jarur mile
Dekho brother maine kuchh nhi kiya hai
god bless u
hello feds
h r u
koi h kya yaha
hi
Want Dosti with me
Shubhm aap SG ko saap kuch bta do shyad aapki baat sunn kar unke man me aapke liye kuch feeling aaye or wo man jaye or agar na mane to phir uske baad aap kabhi SG ke bare me mat sochna jitna jada sochoge utna jada aapko SG ki yaad aygi isliye ek baar aap try kare………..All the best
Yes
Jo mile use pyar kro its a compramise*******Jise pyar kro aur wo mil jaye to its a success *********OrJo nhi milne waala ye jaantey huy v sirf usi ko pyar kro to its” TRUE LOVE
Kya baat hai bikul sahi kaha anu
Kya baat hai bilkul sahi kaha anu
S.G se frenkle bol jo bolna hai
Aap sg ko sari baat bta dijiye shayd wo aapki baat smjhe
yarr tumara love sachha hai..prey karugi gid se ki aap dono mile jaye
Dimag se iska jawab do
1/ Ameer Ko ….. Ki Zroorat Hoti H
2/ Gharib K ….. Paas Hota H
3/Hum ….. Khaye To Mr Jayenge
.
3no me 1 Hi Jawab Aayega
Bhai kitnr din se apka wt krhi hu mai …..
Apko pasta h maine apko kitna Sara miss kiya …..apni wali site pr mera cmnt post ni hota ……..bar bar net cnctn kt jata h 🙁
beta mera yanha par post nhi hota hai aur mai jb bhi aauga to sda new story par aau ga mai bhi wanha par kitna miss kiya hai aap aur chotu ko wo bhi nhi ati hai ab
beta kanha ho ab aa jao nhi to phir post nhi hoga to phir mat kahna
beta so gai kya jis story par 100 coment ho gate hai wanha par mera show nhi hota hai
beta kanha ho mai
nice
superr
hai teri
story bro…
really aapka pyar sacha hai..i will prey for u..
I'll also pry fr uh…….
Thanks for replying friends
please SG meri friend ban jao
Hey shubham
hey please tell me hoe to do register please and how to make friends please please……
hey please tell me hoe to do register please please…..
what ritika??
hey please tell me how to make account in this website. please please reply me in this comments please…….
I wanna join there please.
go to resigster n follow all characters its so easy ruhi ji….
Hi i did but its not working can you do its for me please please. Actually its my facebook ID can you do for me please….
please please…. : )
‘ Credit those photos you use that do not belong to you.
If you’re a first time spa goer, this article will give you an overview of how to be a good spa customer.
Suffice to say the boss was well versed in Thai etiquette emily post pdf
and law and always greeted Thai staff in the official manner and always treated them with respect.