Prem ya Apradh(DAIVIKA)

Namaste dosto, Mai DAIVIKA, usi DAIV ki DAIVIKA, jisse maine anjane mein pyar kar liya, bina yeh jane, maloom kiye ki woh insan pyar karne ki situation mein hai bhi ya nahi?!
Bat hai un dino ki, jab mai kafi beemar thi, har tarah ki treatment lene ke bad thak haar ke  baith chuki thi apni health situation ko accept karke, ki shayad ab mai kabhi theek nahi ho sakti. Aise mein achanak se meri colleague ki mummy mujhe ek doctor ke paas leke gayi’n, unke first time treatment se hi kafi zyada farq pada, mera pain almost gayab sa ho gaya tha… hopeless mann mein asha ki kiran fir se dikhayi di, unse treatment ke liye frequently aana jana hone laga tha, aise mein ek din suddenly unhone mujhse woh batein kee, bina puchhe, bina bataye, woh mujhe woh sab batane Lage jo Bachpan se aaj tak maine face kiya tha…jhel rahi thi, mehsoos karke ghut rahi thi andar hi andar, bas kisi se keh nahi rahi thi. Rone lagi mai wahi pe, unhe pata nahi chalne diya maine. Us din ke bad se unko dekhne ka nazariya badal gaya mera, woh mujhe keval physically nahi, mentally bhi heal kar rahe the. Unse bat kiye bina rahna mushqil sa hone laga tha, mujhe realise bhi nahi hua tha yeh sab… untill one day he said “tumhari sabse badi problem abhi mai hi hoon”
Lekin problem toh sach mein ho gayi thi….qki ab mujhe pata chal gaya tha…ki he’s not only married, but also has 2 very cute and beautiful kids.
Bahut der ho gayi thi, unse mile bina…bat kiye bina, unki awaz sune bina ab mujhe chain nahi mil raha tha…I wanted to marry him badly before knowing this fact that he’s married. Lekin ab jab mai sach jaan chuki thi…unhe bhula dena chahti thi..kisi ka basa basaya sansar ujaad ke mai apna sheesh Mahal nahi bana sakti thi, kal bhi nahi, kabhi nahi.
Ab mai khud mein ghut rahi hoon,khud se chidhi huyi hoon, aur mere kayi sawal hain, jiska jawab na mere paas hai, na unke paas, aur na un halato’n ke paas, jisme mai unse prem karne lagi, jiski seema ya toh kuchh bhi nahi, ya bas itni ki He’s married

Do you have a story? Click here to submit it / Connect with the admin