—Relationship shuru hote hi Soniya ki zindagi ek nayi roshni se bhar
gayi thi. Jay ke saath har waqt baatein karna, hansi-mazaak, future ke
sapne… sab kuch perfect lagta tha. Shakshi gaon se wapas aa gayi thi,
aur uska pehla comment tha, “Jay ka friend circle acha nahi hai… uski
ladki friends bhi hain.”Soniya ne ignore kiya. Uska trust Jay par
poora tha — kyunki Jay ne apni past life, present life, sab kuch khul
ke usse share kiya tha.Jay ke liye Soniya ne kabhi Shakshi se doori
nahi banayi. Jab wo Shakshi ke saath hoti, usko pura time deti. Lekin
dheere-dheere Shakshi ka behaviour badalne laga. Wo Jay ko conference
call par le leti, kabhi kabhi usse personally call karke baatein
karti. Jay politely calls cut kar deta, wo usko ignore karta.Jab
Shakshi samajh gayi ki Jay-Soniya ke beech nahi aa sakti, tab usne ek
naya khel khela. Usne Jay ko ek ladki ka photo dikhaya aur bola, “Ye
meri friend hai, tum dono zyada ache lagoge. Tum Soniya ke saath ache
nahi lagte.”Jay ne uski baat ignore kar di, par Soniya ko ye sab nahi
bataya. Bas Soniya ne dekha ki Shakshi ka uske liye behaviour
din-b-din bura hota ja raha hai — public me insult karna, taana
maarna.Jay ko bhi ye pasand nahi tha. Wo Soniya ke saath quality time
spend karna chahta tha, par jab bhi date plan hoti, Shakshu aa jaati.
Aur date pe bhi wo dono ke beech me hi rehti.Ek din Shakshi ne plan
banaya — uske 2 friends, Jay, aur Soniya movie dekhne jayenge. Unme se
ek wo ladki thi jiska photo Shakshi ne pehle Jay ko dikhaya tha pasand
karne ke liye. Movie me wo ladki baar-baar Jay ko dekhti, eye contact
karti, crop top pehni thi, kamar dikhate hue pass se guzarti thi flex
karte huye. Jay ne bhi notice kiya…par wo samajh gaya game kya hai,
par kuch bola nahi.Chupke se Shakshu ne Jay ke phone se us ladki ko
call kiya, jhooth bolke number save kar diya. Jay ko nahi pata tha,
par ladki ke phone me uska number chala gaya.
Do you have a story? Click here to submit it / Connect with the admin