Mera pyaar jo ab nahi raha – Sahil

Hello friends..
Mera naam sahil hai aur mai hyderabad ka rahne wala hu. Mai aapko bina bore kiya sida meri story par aata hu. Meri Kahani shuru hoti hai tab jab mai apne MBA ki studies karra tha. Tab mere ghar k bazu new tenants hai aaye the. Unke ghar me uncle aunty aur unki ek beti aur ek ladka tha. unki ladki badi thi aur ladka chota.Jab maine pahli baar us ladki ko dekha to mujhe pata nai kuch ajeeb sa mehsoos huwa. par maine us baat par dhyaan nahi diya. Maine aapko naam batana hi bhool gaya,us ladki ka naam tha Zoya( name changed for security reasons, waise mai use yahi naam se bulata tha). thode din guzre aur wo aunty mere mummy ki achi dost bangali aur uncle mere papa k ache dost. Mai zyada concentrate nahi karta tha unpar. Mai apni life me tha, college aur friends. Phir ek din aisa huwa k unke ghar ke function tha,( Zoya k papa k sister ki shadi, jo yahan hori thi kyun k Zoya k dada ka ghar chota tha).
To shadi ki tayyari chalri thi,  shopping aur dusre kaam jisme mere gharwale b unki help karre the. Mai in sub me nahi tha,  lekin ek baar unke ghar furniture aaya tha to mere papa ne mujhe b bulaya helo karne k liye.  Mai help karne gaya aur kuch furniture unke ghar me uthakar legaya. Jab mai last me ek chair lekar jaara tha tab maine dekha k Zoya apne haato me mehndi lagari hai. To mai ye scene dekh kar ruk gaya aur pata nai kuch alag si feeling aayi dil me aur mai aise do mint tak tahre raha. Jab papa ne awaaz di to mai apne aap me aaya. Mai wahan se chala aaya aur mai ye sochra tha k mai ruka kyun wahan. khair maine is baat ko b nazarandaaz kiya.
Phir shadi wale din sub ghar wale gaye shadi me aur mai apne friends k paas chale gaya aur ye baat papa ko pata chali to mujhe phn kiya aur kaha ki shadi me aao, ye padosi hai apne agar nahi aaoge to uncle ko bura lagega. Mera interest hi nahi tha jaane k liye lekin phir b jaana pada.  Shadi me gaya aur mai ek jagah baitha tha k Zoya k papa aaye aur mujhe bola beta ke kaam karoge. Maine kaha ji uncle, to unhone kaha k Zoya ko lekar ghar jao,  gold ka kuch ornament hai dulhan ka wo bhool gaye the ghar par hi.( shadi function hall me thi). sub kaam me busy hai plz tum ye kaam kardo. Maine kaha ok,lekin mujhe kuch awkward lagra tha k mai kabi Zoya se baat nahi kiya aur usko abhi mai apni bike par ghar lejaunga, aisa tha k hum anjaan the ek dusre se, humne ek dusre ko dekha lekin kabi baat nahi ki thi. Khair maine Zoya ko bike par bithaya sur ghar lekar gaya raste me humne kuch baat nahi ki. Ghar pahoch kar Zoya ne wo gold ka ornament nikala aur bahar aayi. Mai bahar khada wait karra tha. Phir wapas raste me usne pahli baar mujhse baat ki, aur pahli baat me mujhe question kardiya k aap usdin mujhe kyun dekh rahe the jab mai mehndi lagari thi apne haato me.Mai pareshaan hogaya k isko kaise pata. Maine kaha sorry wo pata nahi kyun mai khade hogaya tha wahan tumhe dekhte huwe. To wo thoda sa hasi aur kaha its ok. Phir hum hall pahoche aur wo bike se utar kar mujhe thank u kaha ghar lekar jaane k liye. Maine bus welcome kaha aur hum hall me chale gaye. Phir next day reception tha aur wo dusre city me tha. Pata nahi kyun mai wahan jaane k apne se ready hogaya.  Jabki mai shadi me jaane se inkar karra tha jo mere hi city me tha aur ab mai reception k liye khudi se jaane k liye ready hogaya. Aur hum pahoch gaye reception k liye. Aur pata nahi mai kyun baar baar Zoya ko dekhe jaara tha. Kuch to huwa tha mujhe aur Zoya ne ye notice kiya k mai use dekhra hu.
Phir ek din Zoya mere ghar aayi kuch kaam se lekin usdin ghar par koi nai tha. Mai akela tha, maine ye baat batayi usko to Zoya ne kaha k use pata hai k koi nahi hai. mummy ne aunty ko bataya tha k ghar par mai akela hu aur wo log dusre din ayenge. To Mere liye dinner bhejdena. Zoya dinner lekar aayi thi mere liye. Maine thank u kaha to usne kuch nahi kaha. Phir usne dinner kitchen me rakha aur kaha ki khalena aur wo pata nahi hasrahi thi. mujhe samaj nahi aaya k kyun hasrahi hai. maine pucha kys huwa kyun hasrahi ho to usne bataya k kitchen me chai jalgayi hai. maine chai rakhi thi gas par jo bhool gaya tha. Maine kaha oo shit mai bhool gaya tha aur kitchen ki taraf bhaga to dekha gas band tha. Zoya ne kaha k usne band kiya hai. maine phir se thank u kaha. usne kaha k chai banadu kya. mujhe chai peene ki bahot adat hai. ye baat unke ghar par b pata thi.  To maine kaha its ok mai banalunga phir se. Zoya ne kaha k ek aur bowl jalane ka irada hai kya. Is baat par hum dono hi hasdiye. Maine kaha thik hai banado. Wo kitchen me gayi aur chai banayi aur mere liye lekar aayi. hum dono hi chai peene lage aur mai khamush tha kyunki pata nahi tha k kya baat karu.  Phir usne mujhe pucha k mai kyun use baar baar dekhra tha reception wale din. Ek aur bouncer aaya meri taraf. Is baar maine kaha pata nahi kya hogaya tha mujhe usdin. Mai na chahte huwe b dekha jaara tha tumhe. Wo muskurayi aur kaha k mai bahot sweet aur honest hu. mujhe pata nahi chal pa ra tha k mai usse pyaar karne lag gaya tha. Phir ek din mujhe pata chala k uski shadi honewali hai jo jhoot tha, aur ye jhoot mere dost ne jaan bujhkar mujhse kaha tha kyunki mujhe ahsaas ho k mai Zoya se pyaar karta hu. Aur aisa huwa, mai pareshaan hogaya is baat se aur mai sidha Zoya k college k paas chala gaya aur jab wo return hori thi college se maine usse kaha k tum aisa nahi karsakti. Tum shadi nahi karsakti.  Wo thoda hairaan huwi meri baato se aur phir hasne lagi. Zoya ne kaha k aapse kisne kaha k meri shadi hone wali hai. maine kaha k mere dost ne. usne kaha k.jhoot hai ye. Aur waise b agar shadi horahi hai ti aapko kya. Mai thoda khamush raha aur kaha k nahi aisa nahi hosakta.  usne kaha k kyun nahi hosakta. aapko kya problem agar aisa huwa to. Maine kaha k mai aapse pyaar karta hu aur bahot zyada pyaar karta hu. Aur shadi wali baat sunte mujhe ahsaas huwa k aapke bina rah nahi sakta.  Isliye sida yaha  agaya. Wo thoda khamush thi aur kaha k mai baad me Baat karti hu aapse aur chale gayi.
Mai apne dost k paas gaya aur uspar gussa karne laga. To usne bataya k usne ye jhoot mere liye kaha. usko pata chal gaya k main pyaar karta hu lekin mai khud realize nahi karra. Jab wo mujhse door jaane ki baat pata chali to ahsaas hogaya. Maine use gale lagaliya aur kahan thank u yaar.  sur ya b bataya k maine Zoya se kardiya hai lekin kuch jawab nahi aaya. Phir ek din Zoya ka msg aaya mere phn par unknown number se. Wo uska hi number tha lekin mere paas save nahi tha.  Zoya ne msg kiya kal college k baad wo mujhse milna chahti hai.  Mai khush tha bahot aur dusre din gaya mai aur humlog ek jagah mile. Maine kaha k kya huwa, aapne reply nahi diya mera. usne kaha k kaunsa reply. Maine kaha anjaan mat bano ab plz jawab dedo. mujhse raha nai jaara hai tension se so nahi para hu. Wo boli k koi tarika tha propose karne ka k road par mujhe rok kar shadi nahi karsakti kahkar I love u kahna. Maine kaha yaar mai dara huwa tha tab Isliye kardiya. Wo hasne lagi aur kaha aap bahot innocent ho. Aur usne kaha k wo mujhe pyaar karti hai. Mai khushi se jhoom utha.  Aur hum wahan se coffee shop gaye aur baate karne lage. usne kaha k wo mujhse attract hogayi jab mai use mehndi lagate huwe dekh raha tha aur mai apni papa ki awaaz se hosh me aaya aur waha se chale gaya tha. Tab Se wo b mujhse attract hogayi.
Phir hum roz baate karte the aur chat karte the phn par.  Wo bahot caring ladki thi. Mere har cheez khayal rakhti aur mai uska khayal karta tha. ek baar uska bday tha aur mai raat ko 12 baje phn kiya aur kaha k chat par. Wo darr gayi lekin manage karke aayi.Wo meri har baat manti thi. Maine uske liye cake laaya tha.humne saat me cake cut kiya aur maine dekha k uske aankh me aansu hai. maine pucha k kya huwa. usne kaha k ye bday meri life k subse best hai. Wo khushi se aansu agaye the. Maine kaha ye bus shuruvat hai ab har bday tumara isse acha hoga.  Wo bahot khush thi. hum usdin subah tak chat par baate karte rahe. Wo mujhe bahot pyaar karti thi aur trust bahot karti thi. Phir hum ache se khushi se life ne aage bad rahe the. Mera colg khatm huwa aur mai job par lag gaya. Zoya ko subse zyada khushi huwi is baat par. Aur usne mujhe treat diya is baat k liye.
Phir ek din Zoya ka phn aaya k uski shadi ki baat chal rahi hai. huwa ye tha k uske papa ne pahle se hi fix kiya tha Zoya ki shadi unke kisi friend k bete k saat jo Zoya ko pata nahi thi. Phir hum mile to bahot rone lagi, mujhe b rona aara tha tab lekin maine control kiya apne aapko. Zoya ko samjhaya k kuch nahi hoga aur mai kuch na kuch karunga. Zoya ne kaha k kuch aisa karo k papa wo rishta tod de aur mere se rishta banjaye. Maine phir ek din uncle se baat karne ka decide kiya aur unse baat ki uncle mai Zoya se shadi karna chahta hu lekin maine ye nahi bataya k hum ek dusre ko chahte hai. Kyun ki mai nahi chahta tha k Zoya ko koi ghalat samjhe ya Zoya par ungli uthaye. unhone kaha ki beta Zoya ki shadi fix hogayi jab wo choti thi. Mai ab change nahi karsakta.  Maine bahot manaya unko lekin unhone mujhe samjha kar wapas bhejdiye. Phir maine aunty se baat ki to unhone kaha ki beta tum bahot ache ho lekin Zoya k papa baat de chuke hai aur wo nahi manenge. behtar hoga k ye baat ko yahi khatam kardo. Phir maine pane ghar par ye baat batayi to pahle mummy papa gussa huwe kyunki unko pata tha k ab Zoya ki shadi hone wali hai. maine unhe convince kiya kuch kare is baare me. Maine tabtak b ye nahi bataya kisi ko k hum dono pyaar karte hai. Bus ye bataya k mai pasand karta hu. iski b ek badi wajah thi k uncle Zoya par bahot trust karte the aur Zoya se bahot pyaar karte the.  Wo ye baat bardasht nahi karte k unki ladki mujhse pyaar karti hai aur unki pasand k khilaaf jayegi. Phir mere mummy papa gaye uncle aunty k paas baat karne k liye par unko pata tha k koi faida nahi hai. wahi hwa k unhone mana kiya aur kaha k wo ladka bahot acha hai aur Zoya k liye perfect hai aur unlog ghar bahot acha hai. aur pahle se hi ye tai tha. Phir meri har koshish bekaar jaa rahi thi. Zoya ka haal bahot bura tha. Wo rozana sirf roye jarahi thi.  Mai samjhata k roya na karo mai sub thik karunga. Lekin kuch thik nahi hora tha. Shadi fix hogayi thi. Maine koshish ki direct ladke se baat karu. iske liye mai gaya b tha uske paas lekin meri baat nahi ho payi. Lekin itna pata chala k wo bahot acha hai.  maine socha k usko bata dunga to maan jayega. Lekin mujhe apne ek friend se pata chala k wo ladka bachpan se Zoya se pyaar karta hai kyunki use pata tha pahle se hi k unki shadi fix aur to aur wo Zoya ko apni wife mankar jiraha hai. mere ek friend k friend hai jo us ladke ka friend hai. Ab mai samjha k ladke ko batakar waste hai. Wo nahi marega. Aur mai Zoya k name lena nahi chahta tha. Meri har koshish fail horahi thi. Shadi nazdeek agayi aur shadi se ek din pahle Zoya ne phn kiya rote huwe aur kaha k agar shadi hogayi to wo marjayegi. Mai use samjhaya bahot par wo nahi maani aur phn Kaat diya. Phir kya tha usne apne mummy papa ko bata diya sub kuch. Phir mere mummy papa ne mujhe bulaya ghar aur tab mai ghar pahucha to uncle aunty mere ghar me the. unhone rote huwe mujhse kaha k Zoya se kaho k wo shadi karle us ladke se. undono ko wo ladka bahot pasand tha. Zoya ne mana kardiya tha shadi se.
Ab mere upar pressure bad gaya uncle aunty ka rona aur mere mummy papane b kaha k mai samjhao Zoya ko. Mera haal kya batao dosto k filmo ki tarah hogaya.  mujhe yakeen nahi hora tha k ye kya hora hai mere saat. Maine unko samjhane ki koshish ki mai bahot chahta hu Zoya ko aur bahot khush rakhunga. Wo log nahi maane aur last me me kaha k agar ye shadi nahi huwi to wo dono marjayenge. Ab pressure aur badgaya mujhpar aur mummy papa b rone lage aur mujhe khane lage k tu samjha Zoya ko. Phir maine himmat karke Zoya se mila to wo bus rorahi thi.  mujhe samaj nahi aaraha tha k mai kya karu. Maine koshish ki Zoya ko samjhane ki lekin wo nahi maan rahi thi. Maine kasam di apne pyaar ki tab wo haan kahi lekin rorahi thi. Wo din nahi bhool paunga dosto. Phir mai apne city se door chala gaya kuch din k liye,  mai hi nahi mere mummy papa b saat agaye mere. Phir Zoya ki shadi hogayi. Maine badme pata kiya to pata chala k wo ab adjust kar rahi hai uski life se kyunki wo ladka bahot acha tha aur understanding tha. Mai abhi usse pyaar karta hu lekin khushi b hai k use acha partner mila hai.
pata nahi kyun ye sub huwa par kya batao dosto rozana raat ko uski yaad ruladeti hai. Day kaam me nikal jaata hai lekin raat roye bina nahi guzarti. Uske mummy papa khush hai k jo wo chahte the wo huwa aur ab b mujhse baat karte hai pahle jaise hi k kuch huwa hi nahi mere aur unke bich.  Mai jab ye dekhta hu to mujhe aisa lagta hai k ye kya huwa mere saat.  dosto bahot takleef hoti hai ye soch kar k Zoya ki shadi hogayi hai. Mujhe yakeen hi nahi horaha hai abhi tak, aisa lagta hia k koi sapna hai abhi nind khulegi aur sub normal hojayega. Lekin aisa nahi hota hai. Life kuch deti hai ti kuch leti b hai. mujhe Zoya ka pyaar diya aur bahot khubsoorat lamhe diye to Zoya ko hi leliye mujhse. I live you so much Zoya.  no one can take your place in my life….. Thank u guys for patiently reading my stroy and sorry for my typing mistakes.. Yours friend sahil….

Do you have a story? Click here to submit it / Connect with the admin