Doston mein Vishal, Kullu (HP) se. Ismein meri life sachchai hai. Ye kahani shuru hoti hai class +1 k 1st day se. Mein school time loveguru hota tha pr khud single tha. Mere ek dost ko ek ladki pasand aa gai pr wo ladki bahut khatarnaq ladki thi Kisi ki himmat tak nai hoti thi usko chhedne ki. Mein apne dost k liye us ladki k pichhe pad gya. Barish k ek din. Wo ghar jaane k liye Bus Stand par khadi thi. Us din pehli baar wo mujhe sundar lgi. Mein bda Fukra ban k us k paas gya, dost dekh rhe thhe. Mein uske sath mazak kr kr k vapis aa hi rha tha ki road cross krte huye uske ganw k ek bachche ki ek gaadi k saath takkar ho gai. Mene fatak se kisi gaadi mein beth k use hospital le gya. Doston aur bhai ne shabashi di. Pr wo kuchh na boli. Mene socha koi baat nai kabhi to bolegi. Pr mujhe us se attraction hone lgi. Mene bda control kiya pr nai rok paya. Mene apne us dost ko puri baat batai. Usne kahaa uska to kuchh hua ni ab mein hi try kr lu. Mene use propose kr diya. Usne mujhse thoda time maanga. Mein khush ho gya, pr usne ye keh k na kr di ki uska pyar vagera mein bilkul intrest nai hai.
Jese mere baaki k sabhi doston ko pta chala, unhone us din se us ladki ko mere naam se propose krna aur bhare bazar chhedna shuru kr diya. Mein school ka sabse popular ladka tha. Isliye pure school mein aag ki tarah baat fel gai. Uske sharm k mare bure haal ho gaye. Mein ismein kuchh kr bhi nai sakta tha. So mein maamla shant krne lg gya. Ab wo mujhe sabse zyada hate krti thi. Dekhte hi dekhte saal beet gya pr maamla shant nai hua aur mein bhi use apne dil se nai nikal ska. +2 mein Ek din subah subah prayer se pehle mere us dost ne mujhe phone kr k stage pr bulaya. Mein aa gya. Saamne wo thi aur uski saheliya bethi thi. Mene socha aaj to baat krne ki tadap se chutkara. Pr us dhokhebaaz dost ne use mere khilaf esa bhadkaya tha ki wo pancho saheliya mujh pe baras padi mein chup chap sunta rha. Us din mujhe pehli baar apni galti na hote huye bhi apne aap pr gussa aa gya. Fir ek din khali class mein 10 ladkiya aur mein akela ladka hi reh gya. Wo bhi thi, pr uski gang ki koi ladki saath nai thi. Ek ladki mere pas beth gai aur gana sunane ko kahaa, mein maan gya. Mene socha aaj gana ga k apna kaam ban jayega. Mein apne pyar ko dekh k gaane lga, jese filmo mein hero gaate hein. Pr us din bhi meri kismat kharab thi.
Wo rone lg gai. Uski aankhon mein aansu dekh mujhe bhi rona aane lga. Pr mein chup chap class se bahar chala gya. Baad mein ek ladki ne mujhe bataya wo jaan dene ki baat kr rhi thi, keh rhi thi Vishal bahut tang krta hai. Mein usi time class mein gya usko rota dekh mene uske paas ja kr use samneye kasam khai ki aaj se na mein tujhse baat krne ki himmat karunga aur na hi dekhne ki himakat. Mujhe bahut bura feel ho rha tha. Mujhe apne pe bahut gussa aa rha tha. Pr mein jaanta tha galti meri nai thi, wo kamine dost use ab tak mere naam se tang krte thhe. Mein us k samne apni safai pesh krna chahta tha, pr kese krta mene vachan jo diya tha. Mein us din se chup rehne lga, akela to mein pehle se hi mehsoos krta tha. Us din ka wo sadma mein seh nai ska aur mene daily sharab pina shuru kiya aur zyada se zyada aur zyada se zyada. Dheere dheere smoking, fir kabhi kabhi drugs. Wo ek dukh ab hazar dukho k barabr ban gya. Use bhulane ka jugad krne meinto mein lga tha pr uski yaad nai mit pa rhi thi. Kai baar apni galtiyo k liye aatmhatya krne ki bhi sochi pr hr baar bach gya. Ab wo mere samne bhi hoti thi to bhi mein dekh nai pata tha kyunki wo kasam mujhe har baar rok leti thi. Mere bde bhai ko ye pta chala, usne bhi khuch din tak mujhe us se door rehne ko hi kahaa.
Kuchh mahine use sharab ki help se bhulane ki koshish krne k baad mein Gajni k Aamir Khan jesa ho gya. Body to pehle se hi thi pr ab uski tarah face bhul gya pr pyar aur naam yaad reh gya. Ek hi class mein padhne k bawjood mein use andekha krta rha. Ab shayad use bhi mujhpe taras aa rha tha. Ek raat wo hamare ganw shadi mein aai. Mujhe dikhi, meri jaan mein jaan aai. Pr ab nashe ne esa jakad liya tha ki apna sharab ki badbu se bhara muh le k uska haal bhi nai puchh sakta tha. Agle din wo chali gai aur mera sukh chain bhi le gai. Fir school ka last day Valentine Day aaya, wo dgabaz dost bhi uske pichhe lg gya. Pr mujhe lga ki use mera intzar hai. Mene us din bhi andekha kr diya pr jab school life khtm hui. Ab fir mere andar ka wo pyar mujhe tadpa rha hai, bas ek baar uska chehra dekhne k liye. Pr ab wo nai milegi. Pta nai kahaan hogi. Kuchh din pehle mujhe uski best friend mili. Wo bta rhi thi “wo tujhse zyada tujhe chahti thi pr tu na samjha” Doston ab jeene ka man nai krta vese bhi ye nasha jaldi hi mujhe maar to dega hi. Ab to dimag bhi kaam nai krta. Gussa to bahut aata hai uspe. Aaj mein use apni life ka ye haal krne k liye sabse zyada hate krta hoon pr mera pyar uske liye kabhi km nai hoga aur uski aankh k ek aansu k liye mera sar 100 baar bhi kte to koi gam nai. Ab mar bhi jaoon to gam nai bs apni safai na de paya is baat ka gam mot aane tak rahega.
Do you have a story? Click here to submit it / Connect with the admin