Phir main aur Shakshi apne ghar aa gaye. Shakshi ka ghar mere samne
hi tha, ek hi society me. Jay ne na mera number liya aur na hi maine
uska. Lekin sach kahun toh wo bhi mere baare me soch raha tha, aur
main bhi uske baare me.
Next day, jay ne Shakshi se bola, “Tumhari best friend Soniya mujhe
achhi lagi… kya uska number mil sakta hai?” Lekin Shakshi ne mera
number usko nahi diya… aur mujhe ye baat batayi bhi nahi ki usne mera
number manga tha. Mujhe toh kuch pata hi nahi tha.
Agla din main Shakshi ke ghar gayi. Hum normal baatein kar rahe the.
Mere mann me bhi tha ki jay ka number le lu, par phir socha, “Kya
sochega? Ladke ka number mang rahi hoon, kahi wo na soche ki main
desperate hoon usse baat karne ke liye.”
Us din ke baad se wo mere dil se jaa hi nahi raha tha.
Har waqt bas
uske baare me soch rahi thi. Mujhe samajh nahi aa raha tha mere saath
kya ho raha hai — aisa pehle kabhi nahi hua.
Dusri taraf, Jay bhi mujhe har social media me search kar raha tha,
shayad mera account mil jaye. Lekin tab main kisi social media pe nahi
thi.
Phir socha, “Agar baat karni hai toh kuch karna padega.” Maine
Facebook app download kiya, account banaya, aur 1-2 din baad Jay ko
request bhej di. Usne turant accept kiya aur message bheja:
“Kya tum wahi Soniya ho jisse hum mile the?”
Maine reply diya: “Haan, main wahi hoon.”
Thodi baatein hui, usne mera WhatsApp number liya. Wahan bhi baat
shuru ho gayi. Usne poocha: “Kya tum single ho?”
Maine bola: “Haan. Aur tum?”
Usne bola: “Main bhi.”
Phir usne ekdum se bola: “Agar main tumhe propose karu toh tum yes kahogi?”
Mere paas jawab nahi tha… bas bola: “Pata nahi.”
Next moment usne mujhe propose kar diya. Maine kaha: “Main kal batati hoon.”
Do you have a story? Click here to submit it / Connect with the admin