2017 ka ek din 13th July tha. 17 Saal ki Soniya apne 12th ke din guzar
rahi thi ,— ek aisa waqt jab dosti, padhai aur chhoti-chhoti khushiyan
zindagi ka sabse bada hissa hoti hain. 13 July ki dopahar, uski
bestfriend Shakshi ghar aayi aur bola,
“Chal, bazaar chalte hain… crafts ka saman lena hai.”
Pehle Soniya ne mana kiya — periods chal rahe the, mann bhi udaas tha.
Lekin Shakshi ki zid ke aage usne haan kar di. Dono bazaar gaye,
shopping hui, thoda khaya-piya, aur dopahar ka suraj dheere-dheere
dhalne laga.
Tab Shakshi ne bola,
“Abhi ghar jaane ka mood nahi… chal tujhe apne doston se milati hoon.”
Woh dost koi chhote-mote nahi, ek naye WhatsApp group ke “bhaiya” aur
“didi” the, senior log, jinke saath Shakshi ka naya rishta bana tha.
Aur phir… woh aaya.
Peeche se kisi ne awaz di — Soniya ne palat ke dekha… aur samay jaise
thahar gaya.
Uska naam tha Jay. Uske chehre par ek ajeeb si roshni thi, jaise use
dekhte hi dil ke andar ek halka sa nasha bhar gaya ho.
Haath milaya toh jaane kyun, ungliyon ke chhune se dil me ek bijli si daud gayi.
Shakshi ne hansi ke saath kaha,
“Soniya, Jay— tum dono yahin baitho, main didi ko le aati hoon.”
5 minute ki woh chhoti si baat-cheet bhi jaane kyun alag thi. Jaise
har shabd ke beech koi chhupa hua raaz tha. Fir phone aaya — hum dono
ko ek saath chalna tha. Aur chalne ke dauran… mujhe laga jaise hum
dono ke beech koi invisible dor bandh gayi ho.
Woh aankhein… kuch keh rahi thi, lekin alfaaz mil nahi rahe the.
Photo khinche gaye, thodi masti hui, aur shaam dhal aayi.
Soniya ka phone dead ho gaya, toh Shakshi ne Jatin ka phone manga aur
soniya ko diya aur usne ghar phone kiya. Bus ka safar hua, sab apne
ghar ki taraf nikle. Jay ka stop pehle aaya. Utarte waqt uski aankhon
me ek pal ke liye kuch tha — jaise kehna chahta ho,
“Mat jao…”
Par usne sirf halka sa “Bye” kaha…
Aur Soniya ke dil me ek ajeeb sa sukoon bhi tha, aur ek nasha bhi —
jaise kuch naya ho raha ho.
Do you have a story? Click here to submit it / Connect with the admin