kaisi Mohabbat by Mohd Asad -Mohd Asad

Mera Nam Mohd Asad hai mai aaj aapko apni ek kahani sunata hoon

Doston bat un Dino ki hai jab mai gaon me rahta tha us waqt mai inter kar raha tha mujhe mera gaon suru se hi bahut pasand tha mai har waqt bahut khush rahta tha mere Abbu chahte the ki mai aage chal kar graduation karoon mujhe is bat se koi aiteraz nahi tha wo mere liye suru SE hi khas the mai unke liye kuch bhi kar sakta tha.
Gaon me mere kuch dost bhi the Jo kafi Acche the hum hamesha sath rahte the aur sath me kafi cricket bhi khela tha sab kuch bilkul theek chal raha tha.

Tabhi ek din hamare gaon me ek ladki aayee uske pita retire ho kar Delhi se aaye the actually unka gaon to yahi tha magar kuch saal pahle job lagne ke bad wo Delhi chale gaye the ab wo yahan permanent rahne aaye the unki ye dusri ladki thi jiska naam Naina tha pahli ladki ka Nam payal tha jiski shadi ho chuki thi.
Doston ek din gaon ki sabse purani sadak par ja raha tha tabhi maine Naina ko pahli bar dekha tha wo log idhar hi rahte. gaon ka sabse khoobsurat hissa tha wo aur us din aur bhi khoobsurat lag raha tha usne pink colour ka shoot pahna hua tha hum log aksar wahin par match khela karte the uske ghar ke theek samne.uski aankhon me ek azab si chamak thi mai usko dekhta hi rah gaya aisa nahi tha ki Maine usse khubsurat ladki nahi dekhi thi.par usme Na Jane ke bat thi jo mai use dekhta hi rah gaya.

Aisa to nahi kahoonga ki use dekhte hi mujhe usse pyar ho gaya tha magar kuch to jaroor hua tha Jo aaj SE pahle kabhi nahi hua tha chunki garmiyon ki chuttiya khatam ho rahi thi aur admission chalu ho gaye the usne gaon ke hi school me admission le liya tha aur mai apna graduation karne ke liye bahar admission le liya tha.
Wo aksar jab bhi college jati mai uska intezar karne laga tha use mai follow karne laga tha uske ghar ke samne se kayee bar guzarta tha.dheere dheere wo mujhe notice bhi karne lagi thi ab aksar hamari nazren mil jati thi.

Magar Maine usse kabhi kuch kaha nahi kyunki mai ab tak bahut hi confuse tha ki mai aakhir ye sab kyun kar raha hoon wo aksar apne chatt par hoti thi bilkul akele uski nazren bhi mujhe hi dhoondti rahti usne bhi to ab tak kuch bhi nahi kaha tha shayad wo mere bolne ka intezar kar rahi thi aur mai bhi to uske hi bolne ka intezar kar raha tha kuch bhi to nahi jante the hum dono ek dusre ke bare me naam tak bhi to  nahi.wo bhi kisi aur SE hi pata chala tha ek azeeb si kashmakash thi hum dono me waqt tezi Se beet raha tha udhar mera graduation pura ho raha tha usne bhi to inter complete kar liya tha dheere dheere do sal beet gaye hello hi tak bhi to nahi hua tha.

Bahut kuch kahna chahta tha mai usse magar kabhi kah hi nahi paya aisa nahi ki muka nahi tha ya usne ya Maine ek dusre ko mauka nahi diya par shayad abhi aur waqt Dena baki tha is khamosh si mohabbat ko.inter ke bad usne gaon SE hi graduation karna start kar diya tha ek saal bad mera graduation complete hone Wala tha chunki mai apne graduation ke aakhiri saal me tha is liye mai ab college bhi kam hi jata tha mai ab bhi usko follow karta tha.
Aur Maine ek din faisla kiya ki aaj mai apne dil ki bat usse kah ke hi rahoonga chahe kuch bhi ho jaye mujhe yaad hai wo din 14 August ka din tha mai to college nahi gaya tha magar Maine dekha wo Jane ke liye tayyar thi mai usse pahle hi uske college Jane ke raaste me uska intezar karne laga wo paidal hi aa rahi thi aur pure raste me koi bhi nahi tha siway hum dono ke wo mere pass aakar thoda sa ruk gayee mai kuch bolta usse pahle hi wo chalne lagi mai bhi uske sath sath chalne laga mai ne kaha Naina meri bat to suno usne meri taraf dekha bhi nahi wo dusre side hi dekh ke chal rahi thi mai bola do minute bat karna chahta hoon aapse usne phir bhi kuch nahi bola aur Na hi wo ruki balki usne apne chalne ki speed thoda badha li magar mai ruk gaya aage badhne ya kuch bolne ki himmat nahi rahi mujh me wo seedha ja rahi thi aur usne ek bar bhi palat kar nahi dekha mai wahin tham sa gaya jaise kuch kho gaya ho mera bahut hi qeemti cheez aur mai usko tab tak dekhta raha ja
b tak wo meri aankho se ojhal Na ho gayee.

Mai bozhil qadmo SE wapas ghar AA gaya bahut hi azeeb lag raha tha mujhe jaise mano Maine koi gunah kar diya ho us din mai roya nahi tha shayad magar gala jaroor Bhar gaya tha mera sham ko mai aisa hi behave kar raha tha jaise kuch hua hi Na ho wahin jagah the jahan Roz hote the Naina bhi ab tak wapas laut aayee thi wo bhi aisa hi behave kar rahi thi uska wahi bar bar ghar ke bahar nikalna chatt PE akele Khade hona meri taraf hi dekhna mai jaroor aaj khud ko rokne ki nakam koshish kar raha tha magar nazren us tak apne aap pahuch jati mujhe kuch samajh nahi aaya ki aakhir kyun usne mujhe bolne ka bhi mauka nahi diya .
Jab ki uski aankhon me mohabbat saaf nazar aati thi pahle bhi aur aaj bhi phir yun hi waqt beet raha tha kareeb char mahine ke bad Maine use ek bar phir rokne ki koshish ki kyunki mere pass waqt nahi tha mera graduation pura hone Wala tha shaam ka waqt tha wo akele hi sadak par AA gayee thi Maine use is bar phir bola Naina ruko Na do minute ke liye please bat karni hai aur is bar wo ruki is bar wo mujhe hi dekh rahi thi Maine bola Naina         I LOVE YOU mai tumse bahut bar karta hoon aur mai janta hoon tum bhi mujhse utna hi pyar karti ho wo meri hi taraf dekh rahi thodi si ghabrahat ke sath usne kuch nahi bola aur chali gayee.

Ek bar phir usne kuch bhi nahi bola par us din ke mukable aaj ki sham kuch jayada hi hassen lag rahi thi kyunki aaj usne kam SE kam meri bat to suni. Subah aaj kuch jayada hi jaldi uth gaya tha mai kyunki Naina ko dekhna chahta tha mai kal ke reaction ke bad mai uske ghar ke samne tha wo bhi samne hi tha wahi uska dekhna mera Khade hokar mushkurana mai uske college Jane ka wait karne laga aaj phir mai raaste me uska intezar karne laga kuch der bad wo aayee bhi paidal hi thi wo aaj bhi aur wo samne se guzar gayee aur kuch bola hi nahi mai intezar kar raha tha ki shayad kal sham ko mere bolne ke bad wo mujhe kuch jawab degi magar aisa kuch bhi na hua wo chali gayee aise jaise usne mujhe pahchana hi Na ho.

Ab mujhe bahut bura lag raha tha aisa mano jaise koi wajood hi Na ho mera mai bhari bheed me tanha khada hoon jaise kuch samajh nahi AA raha tha ki aakhir kyun wo jab mere samne hoti hai to wo mujhe ignore karti hai dheere dheere waqt beet gaya aur mera graduation bhi pura ho gaya aisa nahi tha ki Naina ke andar koi ghamand ho wo Delhi me Pali badhi thi magar wo bilkul gaon ke jaise thi bilkul hi seedhi aur bahut hi saaf Mann tha uska yahi khoobi to thi Jo  shayad mujhe uske pass kheech le jati thi char saal beet gaye the par usne mujhse kuch kyun nahi bola ye sawal mujhe bechain kar deta tha.
Kabhi kabhi mai sochta tha ki aakhir kyun mai usko sochta rahta hoon aur ek din mera result bhi declare ho gaya is bar Maine phir SE koshish nahi ki Maine Mumbai me ek job ke liye apply kar diya Jo mujhe do mahina bad Milne wali thi ye bat pure gaon ko pata ho gayee thi ki mai do mahina bad Mumbai ja raha hoon shayad use bhi pata tha sirf do mahina the mere pass kayee sawalon ka sirf ek jawab ke liye magar Maine is beech koi koshish nahi ki usse kuch bhi bolne ki aur Na hi usne ki thoda bura lag raha tha mujhe magar ab iski aadat ho gayee thi mujhe Mumbai Jane ke do din pahle mai usse phir sham ko Mila wahi sadak wahin mausam wahi waqt waise hi tanha Maine usse bola mai ja raha hoon 15 tareekh ko aur koshish karoonga ki tumhe yaad Na karoon mai usse jhoot bol raha tha kahin Na kahin mujhe ye ehsas tha mai ye kah kar aage nikal gaya aur peeche Mudd kar bhi nahi dekha Naina shayad ab bhi wahin khadi thi.

Aisa bilkul nahi tha ki mera jaana bahut jaroori ho magar mai ab rukna nahi chahta tha yahan thak gaya tha sabse jhoot bolte bolte ki mai Naina se pyar nahi karta hoon aur 15 tareekh ko mai subah hi Mumbai ke liye nikal gaya uske ghar ki taraf se bhi nahi aaya is bar. Mumbai pahuch kar Maine socha tha mai use bhool jaoonga magar mai use bhula nahi paya wo mere zehan SE jati hi nahi thi suna tha Mumbai har cheez bhula deti hai magar mere sath aisa nahi hua waqt beet ta raha din mahine me aur mahine sal me tabdeel hone lage magar shayad hi aisa koi pal hoga jab Maine use bhulaya ho do sal beetne ke bad Mai chutti lekar ghar ko gaya ek bar phir wahi sab hua Jo pichle 6 saal me hua tha .

Sab kuch waisa hi beet raha tha ek mahine ki chutti me magar Maine is bar Naina SE Milne ki bhi koshish nahi ki aur har waqt yahi dikhane ki koshish karta raha ki mai use bhool chuka hoon is bar usne jaroor kuch koshish ki thi mere se kuch kahne ka magar wo bhi shayad pure dil se nahi ek din mere wapas aane ka waqt bhi ho gaya aate waqt Maine usse jaroor bola ki mai wapas ja raha hoon Naina tum ek bar mujhse bol do ki mai tumse nafrat karti hoon shayad mai tumhe bhool jaoon usne phir kuch nahi bola uski aankhe bata rahi thi ki wo aisa nahi bol Sakti hai mai ye kah kar wapas chala gaya shayad is bar bhi wo wahin khadi thi Maine Mudd kar nahi dekha Mumbai aane ke bad mai wapas apne kam me busy ho gaya kuch yadon ka safar mere sath jaroor chalta raha.

Mujhe wapas Mumbai aaye hue do mahine beet gaye ek din mai kuch kam se Puna gaya hua tha wahan do din rukne ke bad mujhe wapas Mumbai aana tha mai bus stop pe gaya wahan Mumbai Jane ke liye ek bas bilkul tayyar khadi thi mai jaldi jaldi bus me gaya aage ki sari seeten full thi mai thoda aage badha aur dekha ki ek seat khali hai jis par koi baitha hai thoda aage Jane ke bad mai bilkul chauk sa gaya us seat par Naina baithi thi aur sirf wahi ek seat khali thi usne bhi mujhe dekha mujhse kahin jayada wo hairan thi mujhe dekh kar mai wahan baithna nahi chahta tha mai kuch der wahin khada raha Naina mujhe hi dekh rahi thi mai baithoon ya Na baithoon wo mujhse jayada pareshan dikh rahi thi koi aur seat nahi khali hone ki wajah se mujhe uske pass hi baithna pada Maine Naina ki taraf dekha to wo khidki se bahar dekh rahi thi tabhi Gadi chal padi Gadi thodi dur chali thi ki Mai khud ko normal dikhane ki Puri koshish kar raha tha Jo ki us waqt mai bilkul bhi nahi tha . Ma
ine usse poocha Naina tum yahan kaise pahle to usne mujhe dekha shayad use bhi aise hi sawal ka intezar tha kuch der dekhne ke bad usne bola mai apne mausi ke sath yahan aayee hoon usne mujhe do seat aage baithi ek aurat ko dikhate Hui boli wo meri mausi hai mujhe to jawab ka hi intezar nahi tha kyunki aaj tak to usne mujhe kisi bat ka jawab hi nahi diya tha Maine phir poocha kahan ja rahe ho usne kaha Mumbai bina mujhe dekhe bola aur kaha shadi me aaye the wapas ja rahe hai mai kuch soch hi raha tha ki usne poocha tum kaise ho Maine bola theek hoon tum batao usne kaha mai bhi theek hoon .

Waqt beet ta raha aur wo lagatar khidki ki taraf dekhe ja rahi thi Maine usse poocha kahan jaogi Mumbai me usne ka navi Mumbai maine phir poocha navi Mumbai me kaha usne kuch nahi bola jawab hi nahi diya kafi der tak.phir bad me bola tumhari job kaise chal rahi hai uski awaaz me ek ladkhadhat thi Maine kaha theek chal rahi kuch der tak hamare beech khamoshi thi phir mai bola padhai Puri ho gayee tumhari usne kaha han wo lagatar khidki se bahar dekh rahi thi wo mujhse nazren hi nahi milana chahti thi pura rasta yuhin beet gaya aur hamne phir koi bat nahi ki bus jab vashi pahuchi to usne mujhe side hone ko kaha use utarna tha wo thoda se aage badhi aur phir turant hi palat kar mere pass aayee aur boli tum mujhe bhool jao mai tumse pyar nahi karti Usne pure raste me pahli bar mujhse nazren milayee thi. Kitne aasan se lafzon me apni bat kah di usko ye ehsas bhi Na hua ki usne kya kah diya.  Aur  wo apni mausi ke sath neeche utarne lagi magar usne ek bar bhi palat k
ar nahi dekha mai sach me us din roya tha is bar mera gala nahi bhara tha mai jor jor se roya tha kyunki mai har gaya tha khud se waqt beet ta chala gaya aur meri mohabbat uske liye din ba din badhti ja rahi hai badhti ja rahi hai shayad ye lafzon me Na aa paye par mai uska intezar hamesha karoonga kabhi to samjhe gi wo meri mohabbat ko.

Us din ke bad wo mujhe ab tak Na mili do mahine beet gaye hai aur ab shayad hi hum kabhi mile kyunki ab waqt bhi kahta hai ki mai ruk jaoo kyunki rukne ka waqt aa gaya qismat me hoga to phir milenge shayad ek khubsurat si sham me purani si sadak pe jab suraj doob raha hoga aur aashman surkh hoga panchi apne ghar ja rahe honge aur waqt phir bhi ruka hoga yadon Se to mai ab tak nahi bhag paya aur shayad hi wo kabhi bhag paye aur ek afsos jaroor rah gaya hai ki meri mohabbat kabhi Puri nahi ho Sakti.

I Hope To Be Continue..

Do you have a story? Click here to submit it / Connect with the admin