Akelapan, Sad love story by Ved Singh

Hi Guys, this is Ved Singh.. Aaj main Aapse apni zindagi ki sacchi ghatnayein share karne jaa raha hoon…. Toh Yeh kahani aaj se 8 saal pehle ki hain… Pehle main apne aap K baare mein Yeh batana chahunga ki main bachpan se hi behad akela aur dukhi Insaan raha hoon… Jab main Sirf 1saal ka tha, tab Meri Maa guzar gayi thi.. Achanak se accidentally maa expire hui aur Papa us sadme se jaldi bahar nahi aa paye.. Aur mujhe mere haal pe chod diya.. Bachpan se mujhe mere Dada Dadi ne paala hain.. Aur main unke bagair ek din bhi nahi reh sakta tha…
Ab main aata hoon apni adhoori Prem Kahani Par
Yeh baat hain mere College K dino ki, 5th Sept 2009 jab Maine use pehli baar dekha, us College mein Teacher’s Day Celebration tha, aur woh student college ki principal bani thi just for that one day…
Behad khoobsurat dikh rahi thi woh, Red Saree mein… Program hall mein main thik Uske saamne khada tha, Bas dekhta hi reh gaya. Kho chuka tha main. Phir usne bohut hi pyaari aawaz mein Kaha, Plz occupy your Seat
Aur main Yes Mam bolke seat pe jaa baitha. Programme mein uska speech bhi tha, jise main obviously bohut dhyaan se sun raha tha… Program khatm hua, aur baat aayi gayi khatm ho gayi…
Mujhe laga ki shayad woh koi young Professor hain ya phir senior Student hain…
Kuch dino baad pata chala ki woh Toh mere hi class ki ladki hain.. Ek saal tak hum dono k beech Sirf Hi Hello hota raha. Tab tak mujhe uska naam bhi nahi pata tha.. Main itna sharmeela tha ki main Hi Aur Bye se aage badha hi nahi..
Phir ek saal baad 2010 mein jo meri zindagi ka sabse Dukh bhara saal raha.. Main 12th Std mein jaa chuka tha Yaha Mera College start hua aur waha mere Dadaji ko Blood Cancer detect hua.. Hospital mein Daadaji admit hue aur main aur Daadi saath mein rehte the Kareeb 3 1/2 months tak Unka treatment chala aur woh expire ho gaye..
Main itna deepresed ho Chuka tha ki maine ghar mein bhi sabse baat cheet band kar Di thi, toh College mein kis se kya baat karta…
Ek common lecture K dauran Sadhna (Name Changed) mere saath rehti thi… Woh mujhse khoob baatein karti thi lekin main nahi kar paata tha.. Kyunki main bohut depression mein jaa chuka tha…  Mere Dil mein Uske liye bohut pyaar tha par, Main usse hamesha dur bhaagta tha, uski Har Baaton ka Bas Haan Na mein hi Jawab deta tha, woh mujhe apne baare mein sab kuch batati thi aur mere baare mein sab kuch Janna chahti thi, lekin Maine use bohut hi as a granted liya.. Itne galat situation ho gayi thi.. Yaha tak ki usi ne khud mujhse mera Cell No manga tha.. Aur mujhe apna number diya tha.. Woh mujhse kai baar kehti Thi ki main use aaj shaam mein call karke usse baatein karun, par main nahi karta tha aur jab woh mujhse Agle din poochti thi is baare mein ki maine use call Kyun nahi kiya toh main usse kehta tha ki main Bhool gaya hoon.. Usne mujhe kai baar saath mein movies dekhne jaane K liye bhi kaha jise main hamesha taalta raha.. Woh Woh mujhe hamesha apne baare mein sab kuch batati Thi aur mere baare mein sab kuch Janna chahti thi.. Lekin Maine kabhi na use apne baare mein kuch bataya, nahi kabhi uske Baaton par dhyaan diya.. Main use man hi man bohut chahne laga tha, lekin Mujhe aisa laga ki is shayad main galat kar raha hoon.. Ek taraf se Rishta sambhalte-sambhalte jab Insaan thak jaata hain tab woh Rishta khatm ho jaata hain.. Haalaki Board Exams khatm hone k baad maine use ek do baar call kiya par usne uthaya nahi.. Phir main Gaon chala gaya Dadi K saath apne Daadaji ki barsi k liye.. Waha se bhi use maine kai baar call kiya par usne receive nahi kiya.. Aur Kyun kare Maine use Itni taklif jo di thi.. Maine socha ki  College Phir se start hone k baad jab woh milegi main use Sab kuch samjha kar usse maafi maang lunga.. Lekin BCom mein admission lene K baad Mujhe pata chala ki woh Toh College kya yeh City hi chodke jaa chuki hain.. Apne Sabhi Doston se aur Professors se pata karne ki koshish ki uske baare mein lekin kuch bhi nahi pata chala mujhe.. College mein woh ab Kisi k saath contact mein hi nahi hain.. Aisa lagta hain ki Jaise ki woh ek saal Sirf ek sapna tha.. Maine use social networking sites par bhi bohut dhoondha par woh nahi mili..  Aaj 7 Saal ho chuke hain ..
Apni galtiyoon ki Saza aaj tak bhoogat raha hoon…
Main hamesha badi aasani se  pyaar ka mazak uda deta tha.. Kyunki isi pyaar k wajah se mere baap ne Mujhe chod diya tha.. Aur main hamesha sochta raha ki kabhi Kisi pyaar K wajah se main apne aap ko barbaad nahi karunga… Lekin khair zindagi ne accha sabak sikhaya hain…
Hamesha main pyaar ka mazak udata tha aaj zindagi ne mera mazak bana diya hain..
Haalaki ek dost se Uske baare mein pata lagne ki poori ummed thi jo ki aaj se do din pehle hi acchi tarah se tabah ho gayi..
Hope so woh Jaha hain khush rahe.. Shayad zindagi mein koi miracle Ho jaaye aur woh mujhe Phir mil jaaye…
Shayad woh mujhe ek mauka de deti apni baat rakhne ka..
Shayad woh mujhe apna le.. Shayad… Bas iske aage kya likhoon Samjah nahi aa raha hain..  Iam really sorry for everything.. I really love you..

Do you have a story? Click here to submit it / Connect with the admin