YAADAIN 2 – Rehan

Read first story here

Main un ladkiyon ke karib gaya. Wo aapas me hamaari chutkiyaan le rahi thi. Main un logo ki tareefain karne laga, shayad main pahli baar ladkiyon ki tareefain kar raha tha. Maine Nidhi se kaha,” yaar tumne to aaj kamal ka dance kiya, really maza aa gaya.” maine Tahseen ke taraf muskuraate hue kaha,”waise sabne kamal ka performance diya.” Nidhi ne mujhe chidhate hue andaaz me kaha,”Iraada kya hai ?” shayad wo meri nazar ko bhanf gayi thi. “Iraada to bilkul nek hai.”maine bhi usi andaz me zawaab diya. “matlab….?” “matlab apne waadain poore karne ka.” maine hanste hue jawaab diya. “to jaao na apne waade pure karo na.”Tahseen ne muskuraate hue dhime awaaz me bola. Tahseen ne pahali baar mujhse baat ki. hum dono ne pahali baar ek-dusre se baatain kiye.. Ek alag sa nasha tha uski baaton me. Ab tak wo mere life ka haseen pal lag raha tha. “kya ho raha hai yaar.”piche se aawaz aayi. Maine mudd ke dekha wo mera best friend Aaditya tha. “kuch khas nahi..Aao”maine use bulate hue kaha. Baad me humne saari ladkiyon se pucha,”kya logi aapsab log..??” Nidhi ne kaha,”kuch bhi khila dena,aap logon ki marzi.” “hamari marzi kaise, waade to aap logo ke man mutabik ke liye hua tha.”maine un logo ki taraf dekhate hue kaha. “okay to kuch meetha ho jaaye.”Nidhi ne hanste hue kaha. Maine Aditya se kaha,”achchha yaar, chal baazar se samose late hain.” Tahseen ne hanste hue bola,”Samose meethe nahi hote.” ye sun ke tahseen aur uski saari frndz hasne lagi. “kisne kaha samose meethe hote hain,wo to hum humaare liye manga rahe hain.”maine unsab ki taraf dekhte hue kaha. “to hum logo ke liye kya manga rahe ho…?”Nidhi ne apni nazrain tirchhi karke muskuraate hue pucha. “Chocolate..”maine optionally andaaz me kaha. “sirf chocolate, thagne ka iraada hai kya.”Nidhi ne kaha. “to tum hi bata do, sath me aur kya loge tum sab log..” “kuch nahi chocolate hi thik hai…jaao”Tahseen ne kaha. “nahi mujhe to besan ke laddu chahiye.”Nidhi ne bina sans liye jaldi me kaha. Main hanste hue wanha se waapas chala aaya. Maine apne dosto se kaha,”yaar chalo, tum sab log 30-30 rupaye de do, bazaar se samaan kharidane hain.” “abe kya bol raha hai, hum sab log teri wajah se haare hain, hum log paise nahi milaane waale, khilane ka bahut sauk hai na to ja khila tu hi akele.”Aakash ne apni sari batain ek sans me kah daali. “abe saale tera dimaag kharab ho gaya hai kya..sale tu apna dost hai aur aisi baatain kar raha hai.”Aditya ne use samjhate hue kaha. “yaar tum ye sab kar kya rahe ho, hamare samajh me kuch nahi aa raha hai.”Akash ne apni aankhe sikudaate hue kaha. “aur saale tu samjhega bhi nahi kyoki samjhdar to tu hai nahi, ab chal paise jamaa karde.”Aditya ne uske taraf dekhte hue bola. Saale hamaare saare frndz kanjoos nikale. Hum kul 6 log the, kisi ne 5 rupaye to kisi ne 10 rupaye diye. Ye dekh ke to main aur Aditya hairaan ho gaye. Baad me wo saare paise un charo ko lauta diye. Maine aur Aditya ne puri marketing kiya. 380 rupaye ka kharch tha. Mere paas 250 rupaye hi the. Aditya ne 130 rupaye apne paas se lagaya. Maine use bola tu fikar mat kar tere paise kal ko de dunga. “saale mujhe lagta hai ki tere paas bhi dimaag nahi hai, kya paaglon waali baatain kar raha hai, saale dost hun main tera aur main bhi to tha saath me, paise waapas karne ki koi zarurat nahi hai.”Aditya ne mujhe dant’te hue kaha. Hum dono ekdusare ki aankho me dekhte hue halka halka muskura rahe the. Wahan wo apne group me kul 11 lakiyaan thi so is wajah se hamne 30 samose, 11 chocolate aur 1kg besan ke laddu kharide. Humne saare saaman ko apne apne hatho me latkakar apna rukh school ki taraf kar liya.. Feelings jaari rahegi

Submit Your Story

Do you have a story? Click here to submit it / Connect with the admin