Wo Mili Hi Kyu??? – Anand

Aap Sabhi ke stories padhkar mera man bhi kiya ki mai bhi apni ek real sad story likhu.

Mera naam Anand hai aur jise mai chahta hu uska naam Lovely hai.
Maine aap logo ko naam badal kar bataye hai.

Baat to kuch 5 saal purani hai. Mai apne school days me ek ladki ko bohot like karne laga tha.
Mai use school me dektha rahta tha. Wo bhi meri taraf dekha karti thi aur dekhkar ek smile diya karti thi jis se mai fida ho jata tha. Us waqt shayad mai 7th me padhta tha. Bas maine kaise bhi karke us se frndship kiya. Mai apni har taraf se kosish karta tha ki mai uski help karu. 

Dhere dhere mujhe us se pyar hone laga tha aur use ye batane se bhi darta tha. Ye soch kar mai use nahi bata pata tha ki kitni mushkil se usse frndship hui thi kahi ye bhi pyar ke chakkar me toot na jaye.

Waqt guzarte gaye Wo mujhe apna ek best friend manti thi lekin mai to use apni jaan manta tha. 10th complete hone ke baad ham ek dusre se bohot dur ho gaye. mai dusre college me admission le liya aur apne studies me busy ho gaya. Uske ek jhalak ko dekhne ke liye taras gaya tha.

Chand ki judai me asma bhi tadap gaya, Uski ek jhalak pane ko sitara bhi taras gaya, Badal ka dard kya kahu, Wo bhi haste haste baras gaya.

Mere college me to bohot ladkiya thi but mai kisi ko us nazro se nahi dekhta tha kyuki pyar to kisi ek se ek hi baar hota hai.
Us waqt mai jyada ghar se bahar nahi nikalta tha kyuki subah 6 baje hi classes ke liye ghar se nikalta tha aur uske baad college atend karke ghar par sham ko 6 baje hi aata tha. Aur jab sham ko ghar aata tha to homework hi itna rahta tha ki wohi karte karte so jata tha aur mera roj ka yahi schedule tha. Lekin jab bhi akela rahta usike bareme sochta. aur kabhi kisi kaam se bahar nikalta to sochta ke kash uska didar ho jaye lekin apni to kismat hi kharab rahti thi.
Us waqt facebook bohot popular tha Mere khayal se 2009 me. To maine bhi apna facebook par account banaya ye sochkar shayad uska bhi account us par ho. Account banate hi maine uska naam search kiya but wo nahi mili. Roj sone se pahele ek baar to search karta hi tha but dosto apni to kismat hi kharab thi.
Mai bas apni studies par dhyan deta gaya aur socha ki agar mai use sach me pyar karta hu to wo mujhe milegi jaroor.
Mai 12th ka board exam diya uske baad cet ka exam diya fir aieee ka. Exams dene ke baad mai bohot bimar ho gaya. Mera operation hua intestine ka on 30th August 2011 ko. Pure hospital me sabse bada operation mera hua tha wo bhi 10 hrs ka. Operation hone ke baad jab Stomach ka taka kata gaya to mere intestine me hole ho gaya jisko doctors ke language me FISTULA bolte hai. Wo hole se jo bhi mai khata hu wo sab mere peyt se nikalta hai. Doctors dubara operation karke band bhi nahi karsakte kyuki meri body operation karne ke layak nahi tha. Doctors ne kaha tha ki wo hole apne aap band ho jayega but kuch time lagega lekin Aaj 6 mahine ho gaye meri halat waisi hi hai.

Mai ghar 1st december ko aaya Hospital se. Wo mujhe 2nd feb ko raste me mili. Usne jab mere hath me saline(I.V) dekha to use shak hua ki mujhe kuch na kuch hua hai kyuki wo saline sirf patient ko lagta hai. To mere mama ne use bataya ki kis tarah mujhe ye sab hua. To usne kaha ki wo kal mujhse milne ghar aayegi.
Bas ab to mai khushi se pagal ho gaya ki jise mai chahta tha wo khud hi mujh se milne aayegi kal. Us din lagta hai meri kismat mere sath thi kyuki jab maine use facebook par dhundha to wo waha par bhi mil gayi. 
Bas mai rat me yahi intezar kar raha tha ki jaldi se subah ho.

Dusre din wo aayi kuch 4 baj rahe the. Usne bahar se awaz di “ANAND” mere dil ki dhadkan ek waqt ke liye jaise tham si gayi thi. Didi ne use andar bulaya aur mai aur meri family ke log us se bate karne lage. Usne mujhe pucha ki maine use facebook par request bheja hai kya to maine ha bola. Ham logo ne ek dusre ke numbers liye aur wo chali gayi.

Dusre din jab mai subah utha to mobile me dekha ki ek msg aaya “GM fresh hokar msg karo”. Fir ham dono msg se baate karne lage.
She: Tumne nashta kiya?
Me: Nahi.
She: Kyu nahi kiya? batao mujhe.
Me: (mazak me) Wo mai tumhara intezar kar raha tha ki tum aakar mujhe apne hatho se khilaogi.
She: Thik hai mai aaungi tumse milne but college ke bad lekin abhi to kuch kha lo.
Me: Acha thik hai mai kha lunga lekin tum ghar mat aana plz.
She: kyu?
Me: Abhi kal hi to mile the ab kal milenge thik hai.

Mai us waqt bhi bmar tha. Mere peyt me us waqt bhi fistula tha. Isliye mere sath me har waqt koi ek ghar ka member rahta tha isliye mai use bahar akele me nahi mil sakta tha.

Sham ko ham facebook par chat karne lage.

Me: (mazak me) Tumne to itne dino me bohot bf bana liye honge. hai na
She: Pagal ho gaye ho kya. I’m very much single.
Me: Koi to hoga.
She: Tha ek.
Me: Koun tha?
She: Tha ek lekin hamara breakup hue ek saal ho gaye hai aur Anand tum mere past ko yaad mat dilao. Mai use bhul jana chahti hu.
Me: Thik hai. Sorry.
She; Tumhari kitni gf hai.
Me: Maine to aaj tak sirf ek se hi pyar kiya hai lekin aaj tak us se kah nahi paya.
She: To tumne us se aaj tak kaha kyu nahi 
Me: Darta tha pyar ke chakkar me friendship chali gayi to.
She: To ab bol dona. Mujhe yakin hai wo mana nahi karegi
Me: Raat ke ek baj rahe hai tum so jao . Ham kal baat karenge.

Dusre din bhi roj tarah ham ek dusre ko sms kiye. Fir rat ko 12 baje wo facebook par aayi.
Me: Bohot time laga di.
She: Ha wo sab ko khana dene me time lag gaya.
Me: ok 
She: Tumne bataya nahi wo ladki koun hai jis se tum pyar karte ho.
Me: pata nahi
She: Agar mai hoti na to tumhara kabka 143 kara di hoti.
Me: Ye 143 kya hota hai.
She: 143 ka matlab I LOVE YOU ANAND. kya tum mujhse pyar karte ho.
Me: (mazak me) nahi.
She: To fir kis se karte ho. Agar tumne us ladki ka naam bataya to mai apne aap ko kuch kar baithungi.
Me: Acha thik hai ab no mazak. I LOVE You.
She: Tum mazak to nahi kar rahe ho.
Me: Raat ke 2 baje tumse kaun mazak karega. I LOVE YOU.
She: I LOVE U 2

Bas mai to ye words ko dekhkar pagal ho gaya. Ab to mai bhagwan se yahi prayer karta tha ki mai jaldi se thik ho jao aur apna har lamha uske sath bitau. Wo jab bhi ghar par mujhse milne aati to sirf mai use dekhta rahta aur sochta ki kash ye pal yuhi tham jaye aur bas mai use dekhta rahu. Abhi hamare pyar ka izhaar kiye hue 1 hafta hi hua tha ki us din uske 1 msg ne mere aakho me aansu la diya. Wo msg padhkar mai toot sa gaya tha. Us din 11 feb 2012 tha aur wo msg tha “I dont love u. Wo mai apne ex ko nahi bhula pa rahi thi isliye tumhe ha boli thi”

Ab to bas aisa lag raha ki jaise kisine mere sharir se DIL nikal liya ho.
Kabhi himmat to kabhi hosale se haar gaye, Ham badnaseeb the jo har kisi se haar gaye, Ajeeb khel ka Maydaan hai ye pyar, Jisko jeet chuke the usise haar gaye.

Ab to uske msgs bhi nahi aate. Mai apne dil ko ye sochkar bahla leta hu shayad wo kaam me busy ho isliye msg nahi karti hogi.
Har raat ko mai facebook par uska intezaar karta tha lekin wo nahi aati thi.
Subah uthte hi mai pahle apna mobile dekhta tha shayad uska msg to nahi aya hai lekin…….
Mai usko 15-20 msg bhejta to jakar ek reply aata ki “Mai abhi busy hu. mai bad me msg karti hu” lekin uske msg ka intezar karte karte 3,4 din guzar jate the. Mujhe laga wo mujhe Ignore kar rahi hai. Mai use hurt nahi karna chahta tha isliye mai socha jis din wo mujhe milegi mai use bol dunga ki I DONT LOVE U lekin dosto apni kismat bhi kitni kharab hai 2 mahine ho gaye aaj tak usse mila nahi. Lastly we had met on 15 feb 2012.

Ab to bas uske Photos hai mere paas jo uske facebook profile se download kiya tha aur uske msgs hai jinhe padhkar ye sochta hu kya ye din wapas ayenge???
Jab mai ghar me akela rahta hu ye ankhe apne aap bhar aati hai kyuki ghar walo ke samne chahre par ek jhoothi muskaan banaye rakhni padti hai.
Jab bhi mai ghar se bahar nikalta hu ye nazre sirf ek hi chehre ko dhoondti hai lekin wo chehra kahi nazar hi nahi aata.
Aap logo ko pata hai mai aajkal jyada sone laga hu kyuki wo roj sapne me milne aati hai.

Mera ye pura saal meri bimari ki wajah se waste ho gaya. Mere sab frnds mujhse ek saal aage nikal gaye.Mere frnds mujhse door ho gaye sath hi mera pyar mujhse kho gaya. Kuch din pahle mai hospital gaya tha. Doctor ne bola hai agle mahine matlab ki may 2012 me dubara opertion karenge. Jis waqt mujhe mere frnds aur mere pyar ki saqt jarurat thi us waqt mere sath dono hi nahi hai.Ab to mujhe jeene ki aas hi nahi rahi hai.

Pyar ke wafadari me gam ka andhera aata kyu hai, Jise humne chaha wo hame rulata kyu hai, Jab wo meri nasib me hi nahi to, Khuda aise logo se milwata kyu hai.

Mujhe kuch samajh nahi raha ki mere sath ye sab kyu ho raha hai. Mujhe frnds chahiye jinse mai apni sari bate share kar saku,unse suggestions le saku But nobody wants to be my frnd. I’m lonely without her.
Plz add me as ur frnd on facebook.
my email id ; [email protected]
username : anand.kori14

Do you have a story? Click here to submit it / Connect with the admin

4 thoughts on “Wo Mili Hi Kyu??? – Anand”

  1. Kaash kisiko Bhula paana itna aasaan hota.
    Koshish karta par nahi bhula pata.

    But Thanx for commenting.

    If Any1 wants to be my frnd on facebook.
    my Username: anand.kori14

Leave a Comment

Your email address will not be published. Required fields are marked *