Mumbai ka shahar, jahan har koi apni zindagi ki daud mein chala ja raha hai, wahi mai, Arjun, apne sapne poore karne ke liye yahaan aya tha. Chhattisgarh ke chhote se sheher se nikla mai ek app developer hu aur naye start-up ke liye kaam kar raha tha.
Dusri taraf thi Siya, jo Mumbai ki hi ek local ladki thi. Siya ek PR (Public Relations) professional thi aur uska din meetings, events aur social media se bharpoor rehta tha. Siya ka ek sapna tha – duniya ko apne alag nazariye se dikhana. Wo apne camera ke zariye duniya ke chhote-chhote moments ko capture karti thi aur ek popular Instagram influencer thi.
Ek Lamha, Jo Sab Kuch Badal Gaya
Ek baar mai office ke pas ek coffee shop me Siya apne laptop par kaam kar rahi thi. mai, jo apni meeting ke liye late tha, jaldi mein coffee lene aya aur Siya ki table ke paas gir gaya. Uske laptop par coffee gir gayi, aur Siya ka saara kaam barbaad ho gaya.
Siya gusse se bhar gayi, aur mai sharma se bas ek hi baat keh paya, “Sorry, main nayi coffee dila deta hoon aur aapka laptop repair karwa dunga.” Siya ne kaha, “Laptop ke saath mera waqt bhi repair karwa sakte ho?”
Wahi se hum dono ki baatein shuru hui.
Jadoo Ka Aasman
Pehle to Siya bas mujhe se annoyed thi, lekin jab maine uska laptop theek karwa diya aur usse naye creative tools suggest kiye, Siya impressed ho gayi. Unka interaction casual dosti mein badalne laga. Siya ke Instagram ke naye projects ke liye maine ek innovative app design karne ka idea diya, aur Siya ne uski coding skills ko ek creative twist diya.
Hum dono kaafi waqt saath bitaane lage. Siya apne camera ke zariye mere sheher ke sapno ko explore karti, aur mai Siya ki life ki simplicity aur energy se motivate hota. Dheere-dheere humara rishta ek dosti se badh kar kuch aur ban gaya.
Pyaar Ya Sapne?
mera ka sapna tha ek apna startup kholna, lekin iske liye mujhe Silicon Valley shift hona padta. Siya ka sapna tha Mumbai mein apne naam ka ek studio kholna. Dono ke sapne alag the, lekin emotions ek jaise the.
Ek raat, Marine Drive par, Siya ne poocha, “Agar tumhe jaana pade aur main yahaan hoon, toh kya hum saath reh paenge?”
mai ne kuch der socha aur kaha, “Mujhe nahi pata Siya, lekin main chahta hoon ki tum mere saath sapno ka hissa bano.” Siya ne bas itna kaha, “Sapne zaroori hain, lekin pyaar bhi zaroori hai. Hum kisi ek ko chhod kyun nahi kar sakte?”
Aakhri Faisla
Ek din Siya ne Arjun ke project ke liye apne PR contacts ka use karke investors bulaye. mera startup approve ho gaya. Lekin ek deal thi – mujhe do saal ke liye USA jaana padega. Siya khud confused thi, kyunki usne mere liye apne sapne thode compromise kiye, lekin woh uska future spoil nahi karna chahti thi.
maine Siya ko apni pehli flight se pehle ek note likha, “Main tumhe chod kar nahi jaa raha, Siya. Main apne sapne jeene ja raha hoon, takki tumhara sapna bhi jee saku. Tum meri life ki sabse badi inspiration ho.” Siya ne usse kaha, “Main yahaan tumhara intezaar karungi, lekin promise karo ki wapas aoge.”
Ek Nayi Shuruaat
Do saal baad, mera startup ek bada naam ban gaya, aur Siya ka studio bhi. Siya ne Marine Drive par ek photography exhibition rakhi thi, jisme har photo ke niche ek shabd likha tha – “Intezaar.” Exhibition ke end me mai wapas aya, ek engagement ring lekar. Siya ki aankhon mein aansoon the, lekin is baar khushi ke………………………..aage ki story next party m
Do you have a story? Click here to submit it / Connect with the admin
Good
So nyc touching ❤️
Hie nice story!!
Hello, ky koi mujhe btayega yeh old stories m kese search kru puri settings change hogyi h mujhe kalpita ji ki stories read krni thi!!!