School wala Adhura Pyaar – Hemant

Hi Friends !!
This is my own story..!!

Me UP ke Hathras se hu..
5th tak maine apne gaon me hi padhayi ki, us se aage gaon me school nhi h isliye 6th me pdos k gaon me admission lia..
6th Class me Pehle din me school gaya to maine dekha ki ek Ladki Prayer ke liye phool tod rahi h. Surbhi Naam tha uska.Age me mujhse ek saal badi thi aur Bala ki Khubsurat thi, aur uski hair style uske face pe itna shoot karti thi ki words me nahi bata sakta, Na saawli thi na bahut Jyada Gori, School Dress me to ekdum Princess lag rahi thi. Uske bare me itna bol skta hu ki Maine Apsaraye nahi dekhi but dawa krta hu ki vo Surbhi se jyada Sundar nhi ho skti.

Haa to ab story pe aate h…To vo Saraswati Mata ki Prayer ke liye Phool tod rahi thi aur maine cycle Rokte hi usko dekha to Sabse pehle man me yhi aaya- Ohho Itni sundar chhori, isko to ptana hi he.
Actually Gaon me pala bdha hu to 6th Class tk Pyar-Mohabbat Setting-Lafda k bare me sari Jankari ho chuki thi mujhe.
Prayer me pure time me usi Ladki ko Taadta rha.Shayad vo bhi mujhe notice kar rhi thi. Prayer ke baad jab me Class me pahucha to Meri Khusi doguni ho gyi, Surbhi meri classmate hi thi.

Lekin ye khusi jyada der nhi rhi kyoki kuch der baad mere Best Friend Bittu ne btaya ki vo Mam ki beti h aur uski Mummy bahut hi strict teacher h aur baccho me bahut mar lgati hain.
Usko Ptaane ka khyaal maine apne dimag se nikaal dia. Lekin 12 saal ki Age me man ko kaha kaabu me kia ja skta h, Aur upr se ek hi class me pdte the. Class me pure time mai usi ko dekhta rehta. Sirf attraction hi tha tb tk. Fir 10 August ko mera Birthday tha to class me sb mujhe wish kar rhe the, Surbhi ne bhi aakr bola- Happy Birthday Hemant !!

Uske muh se apna naam sunkar me to Saatwe Aasman me pahuch gaya. Badi Mushkil se Khusi ko Controll karke usko Thank You bola. Pair Jameen pe nahi pad rahe the Bhaisaab !! Puri Raat need nhi aayi, Uske bare me sochte sochte subah ho gyi. School Jate time Raste me bs yhi sochta hua ja rha tha ki aaj se Baat-Chit start kr hi deta hu.uski mummy ka jo bhi scene hoga, dekha jayega.

School jakr himmat krke usko Good Morning bol dia.
Vo boli- Me kya koi teacher hu?
Maine kaha- To kya hua ! Good Morning kya sirf Teachers ko hi bol sakte hain?
Vo has pdi aur boli- Ohhk Good Morning !!

Meri Khusi ka to thikana hi nhi tha. Itni Khusi Popatlal ko biwi milne pe nhi hogi, jitni mujhe us se Good Morning sunke mil rhi thi.
Fir Dheere Dheere baate hone lgi. Me jyadatar Hasi-Mzk hi krta tha, vo pdhayi ki vakaalat krti thi.hum dono acche dost ban gye.
Khali Period me hum dono sath me pdhayi krte. Me usko jokes sunakar usko haste huwe dekhkar bahut khus hota tha.
Ab tk Attraction pyar me badal chuka tha, but me accept nhi kar rha tha ki ye pyar h.
School usi ke Gaon me tha aur uski mummy teacher thi isliye School ki Chabi bhi usi ke ghar rehti thi aur subah jaldi aakr Surbhi hi school kholti thi. Isliye uske sath time spend krne k liye me Subah jldi hi Gaon se School pahuch jata tha aur Mere sath mere Friend Bittu ko bhi jldi aana pdta. Baaki baccho ke aane tk me Surbhise baate krta rehta, uske aur Bittu ke sath khelta rehta.

Dheere Dheere time ese hi niklta gya. Hum ab 7th class me aa gye the.
Sirf Surbhi ko chhodke puri class ko pta tha ki Me Surbhi ko pasand karta hu
7th Class me October k maheene ki baat h ye.
Mere dosto ne kaha ki propose kar de, Haa hi kregi, vo bhi tujhse pyar krti h…esa hi sbkuch
Mujhe ekdm chda dia.
Vaise me itna pagal bhi nhi hu ki Dosto ke kehne pe Juttiya khane k kaam bhi kar jau, actually mujhe bhi lgta tha ki Surbhi haa hi bolegi.
Agle din bahut himmat karke Surbhi ko bola ki mujhe tumse bahut jruri baat krni h School ke pichhe ki Gali me aa jao !!

Me Gali me tha us time Bahut dar lg rha tha. Mn me alg alg trh k khyaal aa rhe the. Aayegi ki nhi, kaise bolna h, kya kya bolna h…

Lekin usne jyada intjaar nhi kraya.
Aate hi usne kaha- Bolo ! Kya jruri bat krni h?
Meri dhadkane tez ho gyi..
Maine pucha- tumhara hath pkd lu ek mint k liye?
Vo boli- baat kya krni h?
Maine abki bar puchha nhi aur uska hath pkd lia aur bola- Me jis din se school me aaya hu, tbhi se tumko like krta hu, tum mujhe bahut acchi lgti ho, bahut din se tumko btane ki koshis kr rha hu, aaj finally bol paya hu, Surbhi I Love You !!

Vo boli- Mujhe lg hi rha tha ki tum yhi sb krne wale ho. Me sochkr btaungi!

Maine apne dosto ko btaya to kameeno ne fir se chdhana start kr dia- Are yr, Sochkr btaungi ka mtlb Haa hi h..
Maine unko party bhi de di.

Agle din school jate time me bahut Excited tha.
Jo socha tha uska ulta hua. Uski Friend ne usko suggest kia ki mam ko bta dena chahiye.
Aur usne Teacher se complaint kr di. Apni mummy se nhi kaha lekin dusri Teacher se bol dia.
Teacher class me aayi, Puri class thi vha aur aakr teacher ne Class ki Kundi lgwa di aur uske baad chla ye High Voltage Drama-

Teacher- Hemant! Tumne Surbhi ko kya bola kl??

Me- maine to kuch nhi bola mam!!

Teacher- sahi keh rhe ho??

Me- haa mam!! Maine to kuch nhi kaha..

Teacher- Surbhi! Isne tumko kya bola

Surbhi- inhone bola ki me tumse pyar krta hu, I Love you…. etc

Mere to armaan beh gye saare. Haalat itni khraab Bhaisaab jubaan chl rhi thi, Shabd nhi nikl paa rhe the!!

Teacher- Hemant ! Tumne esa bola tha??

Me- haa mam! Bola tha !!

Teacher- Kyo bola tha??
Ab me kya bolta..Me Ekdm chup!!
Teacher ne fir repeat kia- Kyo bola tha??
Me kuch nhi bol ska..

Teacher- Agr ye baat Surbhi ki mummy ko pta chl gyi to tumko marengi aur school se nikaale jaoge vo alg, abhi puri class k saamne Surbhi ko Sorry bolo uske pair chhukr.
Maine socha chlo maar pdne se to accha hi h aur maine Surbhi ke pair chhukr usko Sorry bol dia.

Us din k baad meri us se Nazare milaane ki himmat nhi hoti thi. Me us se dur dur rehta tha. Koi baat nhi krta us se.
8-10 din esa hi rha fir vo khud hi mujhse baat krne ki koshis krne lgi, me bhi fir bs response hi deta uski baato ka.
Kuch din baad baat krna fir se start ho gya but ab pehle jesa kuch nhi tha, sirf pdhayi ki baat krte.
Dheere dheere time guzra..
8th pass kr li humne.School 8th tk hi tha vo.
8th Pass krne k baad meri Family Vrindavan Shift ho gyi aur usne bhi Inter Collage me admission le lia.
Vrindavan aakr mujhe uski bahut yaad aati. Shuru k ek-do maheene to bahut mushkil se kte. Hr waqt bs usi k bare me sochta rehta.
Fir dheere dheere sb Normal ho gya..!!

4 Saal baad jb maine 12th pass ki thi tb mujhe Facebook pe Bittu ka msg aaya ki Surbhi ne uske sath hi degree College me B.Sc me admission lia h.
Maine bhi socha ki ab to mujhe bhi vhi admission lena h, shayd ab usko mera pyar smjh me aa jayega !!
Lekin mere liye us collage me admission lena Naamumkin sa tha kyoki humne Paariwarik Ldaayi ki wjh se Gaon chhoda tha aur dobara Hathras me jane ki permission mere papa kbhi nhi dete to admission to dilaane se rhe.

Maine bhi soch rkha tha ko admission to vhi lena h.
Papa mera admission kraane Mathura me KR degree collage le gye. Me vha unke sath aa to gya tha lekin ye sochkr ki Admission yha krana nhi h.
Vha jaakr maine papa k saamne Form dene wale babu se jhgdaa kr lia aur usko gaaliya de di.
Ghr aakr papa me bahut maar lgaayi aur bol dia ki jitna pdna tha pd lia, ab kahi admission nhi ho rha.

Me khus tha kyoki sbkuch mere plan k hisaab se ho rha tha.
Fir maine mummy ko Emotional blackmail kia ki- Mummy ! Papa to admission krwa nhi rhe h, Rishtedaar kya bolenge, ek hi to Ldka h, vo bhi na pdhaya gya..
Mummy ne kaha ki thik h tu krwa le admission. Paise me de dungi..
Mummy se paise lekr maine Admission Surbhi wale Collage me krwa lia aur Baad me mummy ne hi papa ko bta dia.

Me 4 Saal baad Gaon gya. Vha Bittu k ghr jakr ruka. Raat ko bs Surbhi k hi khyaal mn me the- 4 Saal me kitni bdl gyi hogi, kitni bdi ho gyi hogi, tb itni sundar thi to ab kitni sundar ho gyi hogi..

Agle din Bittu k sath me Collage gya aur 4 Saal baad Surbhi ko dekha. Us time ki Khusi ke mai Shbdo me nhi bta skta…Alg hi feelings ekdm.
Ab usko Ptana tha. Kam aur Asan lg rha tha Kyoki Bittu ki Girlfriend Surbhi ki Friend thi.
To Bittu ke kehne pe usne Surbhi se mujhse Friendship krne k liye puchha.
Usne mna kr dia.
Bittu ne kaha ki Tu khud jakr puch.
Agle din mai gya aur Uski Rok lia.
Vo boli- Kya h??
Me- Tumse bat krni h kuch!

Surbhi- Baat krni h ya Propose maarna h?

Me- Propose hi krna h.

Surbhi- maine mna kr dia to tum kyo pichhe pde ho?

Me- At least Friend to bn skte h?

Surbhi- Tum smjhte kyo nhi ho? Mujhe nhi bnna Friend!!

Mujhe Gussa aa gya, Me vha se chup chap chla aaya!!

Kuch din baad maine usko Fir se Propose kia, usne fir mna kr dia

Maine usko 8 Baar propose kia Lekin usne har bar mna kr dia.

Fir Jb Exam chl rhe the to Exam k bich me vo Pani peene k liye Exam-Hall ke bahr aayi.
Maine apni class me se dekha aur me bhi bahr aa gya.
Mujhe dekhkr vo bina paani piye hi wapas Class me chli gyi.
Us din Ghr jaakar mujhe accha nhi lg rha tha. Me apne man me soch rha tha ki Agr meri wjh se koi Ldki apna Rasta Badlne ko mjbur h to mujh jesa koi neech nhi h. Us din k baad maine kbhi usko pareshan nhi kia.

Vo Fail ho gyi aur dusre collage me chli gyi ab. K
Me abhi bhi usi collage me hu. Kbhi kbhi dikhti h 15-20 din me.
Pyar abhi bhi h us se, ek ummid bhi h ki kbhi to usko mera pyar smjh aayega. Bhgwanji koi miracle kr de, aur vo meri feelings ko smjh jaye vrna Zinda to me ab bhi hu.
Surbhi Jindagi h meri !!

Bye Friends!! Plz give your valuable comments on my story.

Do you have a story? Click here to submit it / Connect with the admin