Sanjana (A Forever Chapter Of My Life) Vol 4

Let’s Continue The Story…
Sanjana(Dheere Se) – I Love You
Shivam – Kya Bol Rahi Ho, Hosh Bhi Hai.
Sanjana- Haan, Mujhe Pata Hai Main Kya Bol Rahi Hu.
Shivam( Ha Ha Ha Karte Huye) Achcha, Phir Theek Hai Karo Pyar, Lekin Yaha Koi Chance Nahi Hai, Main Ye Sab Karne Nahi Aata College.
Sanjana- Phir Kya Karne Aate Ho?
Shivam – Padhayi Karne College Aate Hain Madam
Sanjana- Ok Maan Liya But Ye Batao Duniya Me Kya Karne Aaye Ho?
Shivam Bina Jawab Diye Waha Se Nikal Jata Hai Aisa Nahi Hai Ki Uske Paas Koi Jawab Nahi Tha Bus Wo Ignore Karke Chala Jata Hai
Ghar Pahuchta Hai To Chahta Hai Ki Kisi Se Share Ki Jaye Baat But Uska Aisa Koi Close Friend Nahi Hai Jisse Ye Sab Share Kare Aur Kuch Kuch Ladki Ki Bejjati Ke Darr Se Nahi Share Karta
Yahi Sab Sochte Huye Wo Apne Khet Main Ghumta Rehta Hai, Lakh Koshish Karne Ke Baad Bhi Sanju Ki Baatein Uske Dimag Se Nahi Ja Rahi Hain, Wo Bas Yahi Sochta Phir Raha Hai Ki Ek Ladki Jisse Wo Roj Ladta Rehta Hai Wo Usse Kaise Pyar Kar Sakti Hai, Aur Ek Ye Ki Wo Is Duniya Me Kya Karne Aaya Hai.
Bahut Sochne Ke Baad Usne Ek Sahi Sa Jawab Samajh Aaya Ki Kal Sanju Ko Style  Bol Dunga Ki Main Is Duniya Me Apne Maa Papa Ka Naam Roshan Karne Aaya Hu, Yahi Sab Sochte Sochte Kab Raat Ke 2 Baj Gaye Use Pata Hi Nahi Chala, Aisa Pehli Baar Hua Tha Ki Wo 2 Baje Raat Ko Jag Raha Tha, Iske Sath Hi Kab Wo So Gaya Bhagwan Hi Jane.
Subah Utha 8.30 AM Pr, 9.30 AM Ka College, Jaise Taise Bhag Ke College Pahucha Aur Sanju Ko Dhundne Laga, Use Wo Mili Apni Friend Prachi Ke Sath, Use Dekhte Hi Sanju Uski Taraf Aa Gayi Aur Usse Boli – Tumne Jawab Nahi Diya Kal?
To Bhai Sahab Bole – Jawab Hi Dene Aaya Hu.
Sanju –  Bolo!
Shivam – Main Is Duniya Me Apne Maa Papa Ka Naam Roshan Karne Aaya Hu, Ye Sab Faltu Baat Karne Nahi,
Sanju- Matlab Papa Aur Maa Sabse Jyada Important Hain Yahi Na.
Shivam – Bilkul Hain, Aur Kaun Hoga.
Sanju – Ok Ab Agar Tumhare Maa Papa Hi Tumse Pyar Na Karein To,  Kyuki Tumne Hi Bola Tha Na Kal Ki Pyar Karne Nahi Aaya Hu Yaha,
Shivam – Maa Papa Kyu Pyar Nahi Karenge, Unka Pyar Alag Hai.
Sanju- Pyar Koi Alag Nahi Hota Yr, Farq Hota Hai Bas Use Samjhne Ka, Main Tumse Pyar Karne Lagi Hu Iska Matlab Ye Nahi Ki Main Paagal Ho Gayi, Mera Dimag Phir Gaya, Bas Tumhare Liye Feelings Change Ho Gayi Hain, Tum Jo Bhi Karte Ho Achcha Lagta Hai Pata Nahi Kyu? Kash Tum Samajh Pate…
Shivam – Mujhe Nahi Samajhna Kuch, Mere Maa Papa Mujhe Pyar Karte Hain, Mujhe Aur Kuch Nahi Chahiye.
Ye Sab Bolke Wo Class Me Chala Jata Hai Aur Sham Ko Ghar Aata Hai To Usiki Baatein Sochta Rehta Hai, Use Samjh Nahi Aa Raha Hai Ki Ye Ho Kya Raha Hai, Wo Itna Kyu Soch Raha Hai, Aur Finally Wo Apne Papa Se Poochh Hi Leta Hai Ki Papa Kya Aisa Ho Sakta Hai Ki Aap Mujhse Pyar Na Karo,
Baar Baar Poochhne Pr Papa Use Bolte Hain Ki Agr Tu Humari Baat Nahi Maanega, Galat Raste Pr Chalega To Kyu Pyar Karenge, Agar Baat Maanega To Karenge.
Jawab Sunkar Shivam Sochta Hai Ki Yr Papa Bhi Pyar Karna Band Kar Sakte Hain Agr Maine Kuch Baat Nahi Mani To.
Aur Bahut Si Baatein Sochte Sochte Wo So Jata Hai, Subah Uthke College Jata Hai To Pata Chalta Hai Sanju Nahi Aayi Hai, Aur Use Ajeeb Sa Lag Raha Hai, But Wo Jaise Taise Class Khatm Kar Hi Leta Hai, Aur Ghar Jake Sochta Hai Ki Mujhe Ajeeb Sa Kyu Lag Raha Tha, Blah Blah….
Shayad Shivam Ko Bhi Us Jhagde Wali Se Pyar Sa Ho Gaya Tha, Kuch Tha Jo Unhe Jod Raha Tha, Kuch Tha Jo Alag Alag Hote Huye Bhi Unhe Ek Kar Raha Tha, Kuch Tha Jo Ladayi Me Bhi Pyar Mehsoos Kara Raha Tha…

😊Baki Baatein Kuch Din Baad😊

This is your admin Sunil Gupta, Please follow me on Instagram for questions and complaints or drop an email here

Comments

comments

14 Comments

  1. vshal dadheech

    your story is readable nd lvly..i enjoyed it for 3 mins…then it is over…waiting for next part…tick tock…..good

    Reply
    1. Shivam Yadav

      Bhai Thank You So Much For Your Appreciation And One More Thing-Iske 3 Part Pehle Post Ho Chuke Hain, Unhe Pehle Padh Lo, Aur Baki Ki Bad Me Post Hogi, Thodi Lambi Kahani Hai Yr… Enjoy It.

      Reply
      1. Deepika

        How can I write a story in this site?

        Reply
  2. Abhi

    Mast story h boss next part kab post kroge jaldi batao…..

    Reply
    1. Shivam Yadav

      Bhai Thoda Time Lunga But Poori Padhna Jaroor, Abhi 4Part Tha Ye 3 Part Already Post Ho Chuke Hain,

      Reply
  3. Nashrin

    lvly….jldi.post kro next part..can’t wait.. so nyc:)

    Reply
    1. Shivam Yadav

      Of Course Nashrin Jaldi Hi Post Karunga, Tum Padhna Jaroor Dear…

      Reply
  4. Nashrin

    yeah sure…:)

    Reply
    1. Shivam Yadav

      Good To Hear You 😃
      Thanks For Reading…

      Reply
  5. zara

    vry nice…next part juldi post kriye sir…

    Reply
    1. Shivam Yadav

      Jaldi Hi Karunga Dear

      Reply
  6. Jyoti singh raickwar thakur

    Teri story Acchhi lg rhi h cute couple show hoge I guess aage ki story Mai…. Jldi likh aage Kya kiya Tum dono ne….. 👌👍👍

    Reply
    1. Shivam Yadav

      Bilkul Yr, Jaldi Hi Likhunga Tu Wait Kar Thoda

      Reply
  7. Tania

    Woooo

    Reply

Leave a Comment

Your email address will not be published. Required fields are marked *