Maine pehli baar Daksh ko market main dekha tha, october ki ek chaandni raat mein. Hamara sheher, apni purani galiyon aur rang-birangi dukaanon ke saath, ek naya kisse ka gawah banta ja raha tha. Daksh, apni muskurahat aur anokhe confidence ke saath, mere dil mein ek ajeeb si jagah bana chuka tha.
Us raat hum ek dusre ko dekh kar muskurye phir hum daily ek dusre se market me milne lage,aur ek din hum dono ne sheher ke ek chhote se restaurant me dinner kiya. Baatein, hasi, aur khushi ka wo pal, jaise samay tham gaya ho. Hum donon ne apni pasand aur napasand ke baare mein baatein ki, jisse ek dusre ko samajhne ka mouka mila.
Phir aaye kayi din, jisme humne ek dusre ko aur jaana. Hum mall me ghumne gaye, coffee peene gaye, aur kabhi kabhi sirf lambi lambi baatein bhi ki. Ye din hamare beech ek gehra rishta banane lage.
Dheere dheere, mujhe ehsaas hua ki Daksh mere liye sirf ek dost nahi, balki kuch aur hi tha. Mere dil ki gehraiyon me, ek ankahee prem kahani likhi ja rahi thi.
Ek din, humne decide kiya ki hum ek dusre ki favorite jagah pe jayenge. Mujhse milne ka wada karke Daksh apne favourite hill station pe le gaya. Waha ki hawa, khula aasman, aur thandi thandi raatein… sab kuch itna perfect lag raha tha.
Hill station ki un galiyon me, Daksh ne mera haath pakda. Uska haath pakadte hi, mere dil ki dhadkan tez ho gayi. Us moment ko main kabhi nahi bhool sakti. Usne mujhse muskurake kaha, ‘Ruhi, yahaan pe, iss pal mein, main tumhare saath hoon.’
Lautte waqt, car mein baithke, maine apne aap ko Daksh ke kareeb paaya. Baat karte karte, kab neend aayi, pata hi nahi chala. Jab aankh khuli, toh dekha ki Daksh ne apni jacket mujh pe odha di thi. Mere liye yeh bahut hi pyaari gesture thi.
Fir, ek din, hum dono ne decide kiya ki hum apne dosto ko milaayenge. Dosto ke saath raat bhar chali party, masti aur dance ne hum dono ko aur bhi kareeb la diya. Doston ki hansee mazak me bhi, Daksh ka mujh par dhyaan aur care mujhe bahut special feel karwa raha tha.
Dheere dheere, hamari mulakatein aur bhi barh gayi. Kabhi kabhi, Daksh mujhe surprise visit karta, kabhi kabhi vo mere liye kuch khaas leke aata. Har ek pal, har ek lamha hum dono ke liye kuch khaas ban gaya.
Aur phir aaya vo din jab Daksh ne mujhse kaha, ‘Ruhi, I love you.’ Us pal, laga jaise saari duniya ruk gayi ho. Main khushi aur surprise se bhar gayi. Mere dil ki dhadkane tez ho gayi thi, aur maine bhi keh diya, ‘I love you too, Daksh.’ Humara rishta ab ek naye mod par aaya tha, jahan hum dono ka dil ek dusre ke liye dhadakne lage the
Baaki story next part me.……………………………
Do you have a story? Click here to submit it / Connect with the admin
nice story… Plz jldi 2nd part likhiye