Hi friends this is Himanshu. Pata nahi ki meri story ap logo ko pasand ati hai ya nahi. Par story ko interesting bananey k lie mai facts ko tod madod to nahi sakta na kyuki jo hua agar badal sakta to mai aaj akela na hota. Mai jab 9th class me tha tab mere school me meri kafi reputation thi. . .kyuki padtne me mai acha tha aur theatre events me meri tuti barasti thi. Bas isilie thoda badmash bhi tha mai. Apne samney kisi ko kuch samajhta nahi tha. Ousi saal meri class me 1 new admission ladki ai. Naam nahi bata sakta dosto sorry. Actually main House captain bhi tha aur maine ous ladki par tab tak dhyan nahi dia jab tak wo mere House me allot nahi ho gai. To dosto yaha se shuru hoti ha meri kahani. Eik din maine ouse House presentation taiyar karne ko kaha. Pehle to wo maan gai. Lekin presentation waley din absent ho gai. Iss par maine ouse khoob daat sunai. Aur wo Roney lagi. Ab ye to pata nhi ki galti kiski thi par mujhe pehli baar guilty feel ho raha tha. Khair baad me hamare bich cheeje settle ho gai aur ham friends ban gae. Ham sara time sath rehte. Isse pehle mai apni performance me partner nahi rakta tha. . .par ab ouske sath hi sari performance taiyar karta. Mai stage events par jor jada de raha hu kyunki meri life me iska kafi important role hai. Mai pehle se behtar ho gaya tha kyuki ab talent k sath sath mere chehre par imandaari bhi dikhti thi. Sab ous ladki k aney ka asar tha. Pata hi nahi chala k kab ousse pyaar ho gaya. Eik din jab gaur se ouse dekha to ouske chehre par halki dhoop pad rahi thi aur wo soney ki tarah chamak rahi thi. Pehle to kafi acha laga phir laga k wo itni achi wo mai jada nahi par thoda bura to tha hi. Maine decide kia ki mai acha banunga. Aur phir shuru ho gaya raat raat bhar padhai karna, badey logo ki respect karna, kharab ladko se door rehna, etc. Sab kia maine jo mujhe laga ouske layak banney k lie jaruri tha. Purey 1 saal ho gae they. Ab ham 10 me they. Aur sath they. Pyaar shayad nhi karti thi mujhse par dost kafi gehre they ham. Mere dost kehtey ki ja ouse bata de par mujhe lagta ki friends to ham hai hi aur jab life me kuch ban jaunga tab ouse bata dunga. Sab kuch perfect tha ous din tak. 3- 4 mahine he beetey hongey ham 10 me ae ki Eik din maine jab ouse Good morning wish kia to ousne muh fer lia. 1 mutual friend se pta chala ki kisi ne hamare affair ki jhuti khabar uda di thi. News ye bhi thi ki mai ouske barey me baki ladko se gandi batein karta hun. Wo bahut sidhi sadhi thi. Ousi din se ousne mujhse baat karna band kar dia. Mai kai baar gaya ous se mafi mangney par ous ne mujhe kabhi maaf nahi kia. Aaj 5 saal ho chuke hai par mai ouse bhula nahi hun. Ous incident ke baad mai tut gaya mera career aur confidence jo hath se fisla ki aaj bhi samhla nahi. Maine 10 ke baad he school badal dia. Aur tabse mujhe nahi pata ki wo kaha ha kaisi ha. Par jo bhi ha mai aaj bhi ousse pyaar karta hu aur dua karta hu ki wo mujhe maaf kar de…
Do you have a story? Click here to submit it / Connect with the admin