Love Story That Never Ended 2 – Monika

Read my first story here,……………………….Hello frnds,mai bahot khush hu k meri story ka pehla hissa itni jaldi post ho gaya aur itne achchhe comments bhi mile aur mai mafi chahti hu k dusre hisse k lie apko wait karna pada.Age ki kahani kuchh is tarah hai,ring milne k bad mai khush thi,bahot khush.Par hamara rishta ab pehle jaisa nahi tha.Mulakate kam ho gayi,baatein kam ho gayi par hum sath the is baat se mai khush thi,par meri khushi jayada din nahi tiki.Kismat ne muje fir usi mod par lake khada kar diya, is baar unki didi ko pata chala.Aur unhone fir bahot daat khayi.Didi ne unhe emotionally blackmail kiya aur unhone mujse baat karna bandh kar diya.Mai dubara tut gayi.Socha kahi jake mar jau tabhi shayad unhe mere pyar ki kadar ho par aisa karke mai apni family ko bahot hurt karti.Mai bas bahot chup ho gayi thi,aisi ladki jo din bhar baatein karti rehti thi,hasti khil khilati rehti thi ab achanak khamosh ho gayi thi.Mai unhe PCO se phone karti aur jab wo phone uthate mai bas unki awaz sun k rote hue phone rakh deti.Wo samaj jate k mera phone tha par wo muje call back nahi karte the.Shayad mere nasib me wo nahi the.Mere lakh chahte hue bhi wo vapas nahi ayenge.Meri dusri company me job lag gayi jaha muje achchhi salary mil rahi thi.Vaha meri mulakat Siddharth(Sid) se huyi jo mere sath wahi kam karta tha.Ek dam chulbula chapad chapad karne vala ladka,usne meri hasi muje vapas dilayi.Hum achchhe dost ban gaye the aur wo muje like bhi karne laga tha.Unse muje propose kiya aur unki yado ko bhulane k lie maine ha bhi kaha par mai Sid k sath khush nahi reh payi.Aur office k staff se muje pata chala k Sid pehle se hi kisi ladki k sath as LIVEINNS rehta hai.Muje khud par bahot gussa aya aur bahot hurt hua k aisa mere sath hi kyu hota hai.Maine kisika kya bigada hai.Mai bahot akela mehsus karne lagi thi.Tab ek din unka dubara phone aya,Mai bahot rone lagi phone par aur unhe Sid k bare me sab sach sach bata diya.Wo muj par bilkul bhi gussa nahi hue ulta kehne lage galti meri hi hai muje tumhe chhod k nahi jana chahiye tha.Wo muje jald hi milne ane vale the aur unhone mujse kaha tha k mai Sid se dubara na milu.Wo sahi bhi the par shayad mere hi nasib kharab the.Sid k kuchh document office me reh gaye the aur wo use vapas dene k lie muje us se mall me milne jana tha.Maine unhe ye baat nahi batayi kyunki muje laga wo gussa hoge par yahi meri sab se badi galti thi.mai jaise hi office se bahar nikli wo samne khade the.Unhone mere hath me documents dekhe,mujse puchha kis ke hai aur mai juth nahi bol payi.Wo muje surprise dene k lie aye the par jo hua us k bad mai aur wo shock ho gaye the.Meri didi k pass bahot bada teddy bear tha jiske lie hum dono roz jagdte the,mai ye baat unhe aksar batati thi islie is bar wo mere lie gift me teddy le k aye the.Par maine wo gift tab nahi li.Hum dusre din subah milne vale the to maine kaha aap tab le ana mai apne bag me chhupa k ghar le jaungi.Unka behavior change ho gaya tha.Pure raste unhone mujse baat nahi ki.Aur jab maine ghar jake unhe msg kiya k apko kya hua hai to unhone apna sara gussa nikala.Kyunki mere pass Sid k documents the unhe laga hum dono k bich abhi kuchh chal raha hai aur mai unhe dhoka de rahi hu.Unhone muje bahor bura bhala kaha,Kuchh aisi bhi baatein jo mere dil ko bahot chot pahocha gayi.Mai apne kano pe vishwas nahi kar pa rahi thi k wo mujse is tarike se baat kar rahe hai.Maine unhe kuch nahi kaha aur nahi mai unse dubara milne gayi.Unhe bad me apne kahe ka pachhtava hua,unhone mafi magne k lie call kiya.Maine call receive kiya aur kaha bhi k maine apko maf kiya par ab hamare bich kuchh nahi ho sakta age.Wo bhi shayad yahi chahte the islie hamara rishta dubara tut gaya.Muje ab kisi pe bharosa karne se bhi dar lag raha tha,na mera koi dost tha jise mai apne dil ki baat bata saku nahi apni family se ye baat share kar sakti thi.Mai andar hi andar ghutne lagi aur apne aap ka khayal rakhna to mai ab zaruri hi nahi samjti thi.Sochti thi kon hai jo muje dekhta hai,kis k lie khubsurat lagu.Maine apni job chhod di.Mai bahot depress rehne lagi thi.Aur ek din muje bahot jayada bhukhar ho gaya.Local doctor ne 1 mahine davai di par thik nahi hua mai aur jyada weak hoti gayi.Islie muje hospital me admit kiya gaya,reports,X Ray,Blood test,Injections un dino yahi meri duniya ban gayi thi.Mai chahti thi wo kash aye aur muje yaha se leke jae par wo shayad bahot dur the.6 din k bad muje discharge kiya par mujse kisine ye nahi kaha k muje kya hua tha.Ghar ane k bad har koi mera bahot jyada hi khayal rakh raha tha.Jab rat ko kabhi ankh khulti to mom dad ko chhup chhup k rota hua pati.Muje din me 12 goli khani padti thi par mai bina kuchh puchhe apne mom dad k lie wo kha leti thi.Dhire dhire davai ka reaction ane laga,mere muh par sujan ane lagi,bahot joints pain hone laga.Jab maine doctor se puchha k doctor aisa kyu ho raha tab unhone kaha beta TB ki davai me aisa hota hai.Us din muje pata chala k muje TB tha.pata nahi mai konse stage pe thi.Doctor ne dad se kaha tha k agar 6 mahine me fark nahi padega to mera operation karna padega.Dukh to bahot hua tha par shayad mai jina nahi chahti thi.Par jab maine dekha k mere mummy papa muje zinda rakhne k lie rat din meri seva kar rahe hai muje afsos hua.Mai unke lie zinda rehna chahti thi aur islie apna khayal rakhne lagi.Us baat ko 3 mahine hue aur 7TH MAY ka din aya.wo hamari pehli anniversary thi.Bhale hi hum sath nahi the par mere lie wo hamesha mere pass the.Maine unhe msg se wish kiya aur unka phone aya.Phone receive to kar liya par mai kuchh bol nahi payi.Kya kehti k muje TB hai.Mai shayad 6 mahino me marne vali hu.Mai nahi chahti thi k wo muj jaisi bimar ladki k sath rahe.Muje pata tha mai unhe khush nahi rakh pati aur isi lie maine unse juth kaha k mai kisi aur se pyar karti hu aur uske sath khush hu.Unhone bina kuchh kahe phone rakh diya.Mai phone rakh k unki di hui ring ko hath me leke bahot royi.Juth to maine bol diya tha par man nahi man raha tha.Mai nahi chahti thi k mere jane k bad wo muje nafrat se yad kare.Par sach bolne ki himmat nahi thi.Maine usi website pe jaha hum mile the” YAHOO ANSWER” waha apni taklif ko likha aur unhe msg kiya k apke lie ek saval hai wo padh lijie pls.Unhone padha aur maine aaj unhe dubara rula diya.Wo kehne lage tumne muje pehle kyun nahi bataya.Hum achchhe doctor se check up karvayenge.Tumhari davai ka kharcha mai karunga aur javab me maine bas itna kaha muje davai ki nahi apki zarurat hai.Par is baar sath hoke bhi hum sath nahi the.Wo muje roz call karte par agar kam ki vajah se mai call nahi utha pati to wo shaq karne lagte.Kehte k tum aaj bhi Sid se baat karti ho ya tumhara kisi aur k sath chakkar chal raha hai.Aur ek din to unhone had hi kar di kehne lage muje pata hai tumhe koi bimari nahi tum bas muje bevkuf bana rahi ho taki muje pa sako.Muje laga kash mai isi pal mar jau.Maine dusre din unhe apne reports mail kiye aur sath me msg bhi kiya k shayad kisi doctor ko consult karne k baad apko pata chal jayega k mai koi natak nahi kar rahi thi aur nahi apko dhoka de rahi thi.Hamare rishte me na vishwas raha hai na pyar aur is juthe shaq k lie meri chhoti si zindagi me koi jagah nahi.Galti shayad meri hi thi k mai apne rishte me vishwas kayam na rakh payi.Unka mafi magne ne lie call aya par maine apna number change kar diya.Maine unhe maaf to kar diya par us rishte ko age badha na payi.Achchhi care aur davai ki vajah se aaj mai thik hu aur ek healthy life ji rahi hu.Har 7th MAY ko mai unhe wish karti hu.Unki di huyi Ring aaj bhi mere pass sambhal k rakhi hai.Unke bad meri life me bahot ladke aye par kisise muje wo pyar wo care nahi mili.Mai bas yahi chahti hu k wo jaha bhi rahe khush rahe,chahe mai rahu ya na rahu.

 

 

Submit Your Story

Do you have a story? Click here to submit it / Connect with the admin

23 thoughts on “Love Story That Never Ended 2 – Monika”

  1. nice &true love story know your felling because mere saath bhi shayad kuch esa hi hua h hamara 3saal ka relation tha aur 3mahine me khtm ho gya.esi koi raath Nhi gujarti jis din m shayad use yaad karke Rota Nhi .vo kahte h na ki true love bahut kam logo ko milta h shayad hum2-9 un kam log m se h. tumhari story padh kar muzhe fll hua k shayad me bhi apni story Wright karun kya pata dil dard door ho jaaye.take care your think is good.

  2. dipika ji apki story badi dard bhari hi
    mai sabhi boys and girls se puchta hu
    ki pyar mai yaisa hi kyo hota hi jise dil
    chahe vah hame nahi kisi ur ko like karta
    hi ur jise na chahe vah hume bahut pyar
    deta hi
    easvar se meri yahi pratna hi ki apko eak yaisa
    sacha pyar mile ki jo apko apse jayda chahta ho

  3. monika mera naam bhi monika hain maineaapki fst storyabhi nahi pad paayi uske liyesorry but maine yahstory padi…..yaar aap jisse pyar karti ho jisko aapne maafbhi kardiya hain ,….par aapneuse apne use kiyu chod diyayaarapko use shadi karni chahiye yaar aap use itna pyar karo ki vahaap par kabhi shak na kare….yaar kahi na kahi aapke pyar main kami rahi hogi jiske vajah se uske dimag main shak ne janam liya….apne sid se dosti ki….apne pyar ko bhulane ke liye…..kitna galat kiya aapne fir bhi unhone aapko maaf kar diya yekoi choti si galti nahi thi…..is galti se yah nazar aata hain ki aap unko bhulna chahti thi….are yaar vo kitna pyar karte hain aapse ….baar baar vo hee aage hokar apni galti maante bhi hain….yaar vo unsquare feel karte hain aap unko itna pyar do ki vo sab khuch bhul jaye unhe lage hee nahi ki koi sidaap dono ke bich kabhi aaya pls yaar apne pyar se door mat jaooooooooooooooooooooo

    1. nice lines.
      & mai bhi GOD se hmesa yahi PRAY karta hu k GOD kisi bhi PYAR karne wale ko kabhi bhi juda na kare.
      mai abhi bhi apne PYAR k liye daily 1200-1500 bar dua karta hu. k mera PYAR hmesa khush rahe.

      [email protected]

  4. Nice one…..I THINK AAPKI STORY KA NAAM….
    ……VICHHODA….A UNTOLD LOVE STORY……..
    Ye hona chiye tha..
    KASH YE VISWAS…BHAROSA NAAM KA SABD E NAI HOTA……ISNA PATA NI KITNI HANSTI JINDGIYA UJARI H . THIS TIME AGAIN FAITH INTRUpT A LIFE .
    THANKS…….. [email protected]..

    1. GOD BLESS U MORE

      nice STORY
      Mai bhi GOD se hmesa yahi PRAY karta hu k GOD kisi bhi PYAR karne wale ko kabhi bhi juda na kare.
      mai abhi bhi apne PYAR k liye daily 1200-1500 bar dua karta hu. k mera PYAR hmesa khush rahe.

      [email protected]

  5. Beetay pal wapas la nahi sakte
    Sukhe phool wapas khila nahi sakte
    Kabhi kabhi lagta hai aap hamein bhul gaye
    par dil kehta hai k aap hamein bhula nai sakte…

  6. Ek wada kiya tha Ek wada nibhane ke liye
    Ek dil diya tha Ek dil pane ke liye
    Usne Mohbbat sikhadi aur kaha
    Maine to pyaar kiya tha tumhe aazmane ke liye…

  7. Monika its realy amazng story ye story nh apki lyf ka imprtnt part h jo apne hmare sath share kia….mujhe toh kuch smjh nh aa raha kya hua…schi ek bar dil me shaq paida ho jae toh wo ache bhale rishte ko bigad deta h..pta nh q kisi k dil me vishws paida krna muskil aur use todna itna asan q hota h well..ab toh sb khtm ho chuka h ap apni lyf me khush raho parents k lye aur apne lye jiyo god bless u nd take cre..

  8. nicw story dear aapki story pad k meri aankho mai anshu aa gaye ……………
    i pray to god u meat a nice person who loved u very much as ………….
    lekin jindagi mai pyar jaldi milta kyo nahi h………………….
    khuda tune ye judai banai kyo h aaj jo meri mohbbat vo parai kyo h ,
    agar pyar mai judai h to ae-khuda tune ye cheej banai kyo h
    agar na hoti judai to vo aaj mere pass hota tanha dil ye udas na hota
    vo hote meri baho mai aur mai unki baho mai ye dil ka ye unke bin haal na hota ……………………

  9. monika ji maine tumhare dono parts padhe kafi acche lage. Aur bimari sun ke hurt bhi hua. Ab aap thik hai na???. Dekho monika ji jab aapne itna long time relation rakha hai to zahir si bat hai log khul ke kuch bhi bolte hai. Ye sab relation main hota raheta hai. No tension.

  10. Monika ji aapki story padhkar such me meri aankho se aansu nikal gaye.. mujhe lagta hai unhe khone me kahi aap ki galti hai kyunki unhone maafi maangne k baad bhi aapne kaha ye rishta aage badha nahi sakte aur aapka pyar such tha to aap sid k pyar me kyun padi?? unke man mr jo shak paida hua hai wo aap hi k kaaran hua hai.. ab unhe aap anniversary pe msg bhi karengi to kya faayda?/ jab ki aap chahti to dono ki shaadi ho sakti thi.. hamesha saath reh sakte the..khair ab jo hua so hua.aage khush rahiye apne mom dad k liye..

  11. ,yar me kya kahu kuch samajh nai a raha h…par ha galti tumhari hi h jo tumne use sab sach nai bataya ki tum us sid se milne jane bali ho… agar ye soty ture h to mujhe lagta h achcha hua jo wo tumhare sath nai h kiyoki agar wo tumhare sath hota yo kabhi kuch nai rehta kiyoki sayad tum uske layak hi nai ho tum kabhi use,uske pyar or uski feeling ka kabhi samajh hi nai pai usne kya kuch nai kiya tumhare liye etne dur se sirf tumhr milne ata tha tumhare liye khud ki cair karna chod d,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Leave a Comment

Your email address will not be published. Required fields are marked *