From Best Friends to Heartbreak: A Love Story

Hello friends! Kaise ho sab? Main is site pe bahut din se aaya hoon aur saare stories padha hai. Aaj thoda sa fursat mila hai unke yaadon se to main aaj ye story post kar raha hoon.

Doston, main ek bahut hi bindaas type ka ladka tha. Mujhe kabhi tension naam ki bimari hoti hi nahi thi. Always bindaas, na paise ki tension na mark kam anne ki tension, par mere doston ko ek badi tension thi, aur uss tension ka naam hai love. Wo sab apne girlfriend ko impress karne ke liye kafi papad belte the, aur ye sab dekh ke mujhe bahut hasi aati thi. Tabhi wo bolte the, “Yaar tu jab kisi ke pyaar me padega tab bata chalega” aur main bolta tha, “Don’t worry guys, mere life me love virus ke liye pehle se hi antivirus banna rakha hai.”

Aise hi masti mazaak mein baatein karte karte pata hi nahi chala ki mere BSc graduation khatam ho gaya. Graduation ke baad maine PG ke liye apply kiya, par mere kam marks ke wajah se kahin pe seat nahi mila. Fir bahut hi mushkil se ek college me computer science me dakhila mila. Mujhe Computers bahut pasand hai.

College ke pehla din aur mere ek dost wahan nahi tha, isliye man nahi lag raha tha. Fir kuch din me sare students mere dost ban gaye aur inme se ek ladki thi jiska naam tha Liza (fake name), wo mere best friend ban gayi. Wo mere har baat ko bina kahe hi samajh leti thi, humesha mujhe inspire karti thi, humesha kehti thi ki “Yaar, tera ek plus point hai tu mark ki tension hi nahi leta, nahi exam ki. Yahi attitude banake rakh, tujhe suit karta hai. Tension tujhe suit nahi karega.” Hum raat raat bhar WhatsApp me chat karte rehte the. Wo mera itna care karti thi ki main kab usse pyaar karne laga kuch bataye bina chala gaya.

Ek din wo mujhe phone karke boli, “Yaar, tu mujhe class ke baad garden me mil, kuch baat karni hai.” To maine ok keh ke usse milne chala gaya. Uss din ke baad meri life change ho gayi. Ussne mujhe garden me bulake kaha ki mujhe pata hai ki tu mujhe pyaar karta hai aur main bhi tujhe love karti hu, but as a friend. Aur mujhe batayi ki kis tarah wo kisi ko pyaar karti thi, and after 3-year relationship, wo usse chhod diya. Fir maine kaha, “Yaar, thik hai par main aisa nahi hu. Fir bhi agar dost rehna chahti hai to koi baat nahi, tu mujhe dost samajh ke baat kar aur main tujhe gf samajh ke baat karunga.”

Uske baad hum casual dates pe jaane lage. Liza bahut accha khana banati thi or wo mujhe apne ghr khane pe bhi bulati thi. mujhe aisa lagne laga thi ki jaise hum do jism ek aatma ho.

Par dheere dheere chijein badalne lagi Liza ki job dusre seher mein lag gayi wo mujhe chor kr nhi jana chahti thi but maine use smjhaya ki life mein aage badhna chahiye. humne long distance relationhip maintain krne ka commitment kiya.

1-2 mahine tak toh sab thik chala hum roz phone pr baatein krte thi. but dusre seher mein hone ki wajah se ab duriya badhne lagi hamara time maintain nhi ho paa rha tha or hum ek dusre ko samay nhi de paa rahe the.

Phir ek din uska call aaya or kehne lagi ki use koi mil gaya hai or wo bahut confuse hai ki aage kya karein. Mera dil bahut joro se dhadkne laga mujhe bahut gussa aaya mujhe laga ki usne mujhe dhokha diya hai. but kisi ko relationship mein force nhi kiya jaa skta isliye maine use jaane diya or apni life pr focus krne laga.

Dheere-dheere chijein phir se normal ho gayi mujhe mere life mein new passion or hobbies mil gayi or new soul mate bhi. Liza apne new partner ke saath khus hai. Hum aaj bhi kabhi kabhi milte hai but jab bhi usse milta hu mujhe hamare saath betayein sabhi pal yaad aate hain.

Do you have a story? Click here to submit it / Connect with the admin

15 thoughts on “From Best Friends to Heartbreak: A Love Story”

  1. muskan shahrukh khan

    aapki friend apni life me khush hain… aap bhi apni life me khush rahiye… Or unhone aapse kaha tha ki hum as a friend rahenge… To liza me aapko koi dhokha diya hi nhi hai… Good luck for your bright future…

  2. Aaj kal ye stories bhut logo ki hai.Bolte hai ki pyar ho to long distance bhi chal jata hai but practically, ye sab chizen bolne m hi achi lagti hai.Ek time tak to sab thik chalta par wo career bhi equally important hota hai or jab long distance m ho to kbhi kbhi chizen manage nhi ho pati or duriyan aa hi jaati hai. Kuch cases m dono log kafi understanding hote hai ti relationship chal jata hai otherwise alag hona pdta hai. Uss time chizon ko accept karke or sahi decision liya aap logo ne, ye achi bat hai. Ab aap dono apni life m hi happy ho bas yahi happy ending har kisi ki story m nhi hoti.!!😊😊

    1. Mene pyar m itna sikha h long distance relationship m hm kisi ke sapne pure krne ke liye jaan lga dete h,,but ek time bd jb vo success ho jata h us insan ko bhul jata h jo insan apne sapne chorke apne pyar ke sapne pura Krna chahta h,,

      1. Meri love story esi site se start Hui,,hm yhi mile yhi pyar hua 5 year bhut khushi se sath rahe,,but jb insan jyada success ho jata h tho bhul jata h ki koi insan tha jo tumhare sapne pura kr raha tha,,but insan bhul jata h y sb bate,,insan ko lgta h vo aur better deserve krta h,,

        1. Kbi kbi mn m aata h ki love story share kru hmari but y sochkr ruk jata hu ki jitna hurt hona tha ho chuka khud ko aur hurt krne ka kya mtlb ………..

  3. Hi, this is faiz
    Mai dusri site pe ata tha, punjabi wali, koi mujhe pehchante hai ?
    Mai kisi ko dhundd raha hu

  4. aajkal yhi chal rha hai, har kisi ko naya partner mil jaata hai aur fir bolte hai hum loyal , honest aur innocent hai. but ise hi gaddari kahte hai use koi aur mil gya.

Leave a Comment

Your email address will not be published. Required fields are marked *