First part here
Riya ki shaadi ke baad meri zindagi ek andheri raah ban gayi thi. mai apni duniya se alag rehne laga tha, dost door ho gaye, aur ghar mein bhi chup chaap ek kona dhund leta. mere dil abhi tak Riya ke liye dhadak raha tha, lekin sachai ye thi ki wo rishte ka ant ho chuka tha. Wo chitthi, jo kabhi ek umeed thi, ab uske dil mein dard ban kar baithi thi.
Shaadi ke baad Riya apne sasural chali gayi thi. pados mein log uske nayi zindagi ke baare mein baatein karte, lekin maine kabhi un baaton mein dilchaspi nahi li. mai jaanta tha ki mera aur Riya ka rasta ab kabhi nahi milne wala. Lekin kismat ka apna hi ek khel hota hai.
Ek din, kuch mahine baad, jab mai bazar se guzar raha tha, to meri nazar ek jani pehchani shakl par padhi. Riya thi, apne maa-baap ke saath, lekin uske chehre par wo khushi nahi thi jo kabhi mujhe dekhkar hoti thi. Uske aankhon mein ek ajeeb si udaasi thi, jaise wo duniya se thak chuki ho. Maine apna rukh palat diya, mai nahi chahta tha ki humari mulakaat ho. Lekin Riya ne mujhe dekh liya. Ek pal ke liye, humari aankhein mili, aur mujhe laga jaise pura waqt ruk gaya ho.
Lekin wo bas ek pal hi tha, aur Riya apne ghar chali gayi. Maine apne dil ko sambhala aur samjha liya ki ab kuch nahi badalne wala.
Us raat, mai chat pr apne kamre mein tha, jab achanak uske darwaze par halki si dastak hui. maine darwaza khola, to bahar koi nahi tha, sirf ek chhoti si chitthi zameen par padi thi. maine chitthi uthayi aur dekha to ye wahi purani patang thi, jisse maine apne pyar ka izhaar Riya se kiya tha. mera dil zor se dhadakne laga.
Chitthi ko khol kar padhte hi meri aankhein bhar aayi. Us chitthi mein Riya ne likha tha:
“Aman, shayad waqt humare haq mein nahi tha, lekin main tumse kabhi door nahi ho sakti. Maine tumhara pyar kabhi nahi thukraya, bas parivaar ke dabaab ne hume alag kar diya. Aaj main is rishte mein hoon, lekin wo khushi mujhe kabhi nahi mil payi jo tumhari aankhon mein thi. Tumhari woh chitthi mere dil ke kareeb thi, aur rahegi. Mujhe maaf kar dena.”
mere liye ye chitthi ek ajeeb si tasalli thi, lekin saath hi ek gehra dard bhi. maine chitthi ko sambhal kar apne dil ke kareeb rakha aur socha, “shayad pyar kabhi khatam nahi hota, bas rishte adhoore reh jaate hain.”
Agli kuch din tak mera dil mein Riya ki yaadein bechain karti rahi, lekin ab mere paas ek jawaab tha. Riya ne apne jazbaat ko bayan kiya tha, lekin hum dono apni zindagi ke rasto mein aage badhne ko majboor the.
Do you have a story? Click here to submit it / Connect with the admin